قىتايدىڭ وڭتۇستىگىندە اپاتقا ۇشىراعان ۇشاقتاعى جولاۋشىلار اراسىندا قازاقستان ازاماتتارى بولماعانى انىقتالدى, دەپ حابارلايدى Egemen.kz.
«الدىن الا مالىمەت بويىنشا اتالعان ۇشاقتاعى جولاۋشىلار اراسىندا ءبىزدىڭ ەلدىڭ اداماتتارى بولماعان», دەلىنگەن قر ءسىم مالىمەتىندە.
ەسكە سالا كەتسەك, قىتايدىڭ وڭتۇستىگىندەگى گۋانسي-چجۋان اۆتونوميا اۋدانىندا China Eastern Airlines اۋە كومپانياسىنىڭ Boeing 737 جولاۋشىلار ۇشاعى اپاتقا ۇشىرادى.
قايعىلى وقيعا قىتايدىڭ گۋانسي-چجۋان اۆتونوميالىق اۋدانىنداعى بيىك تاۋلى ايماقتاردا بولدى.
ۇشاق بورتىندا 132 ادام, اتاپ ايتقاندا 123 جولاۋشى جانە 9 ەكيپاج مۇشەسى بولعان.
ايتا كەتسەك, مەملەكەت باسشىسى قاسىم-جومارت توقاەۆ قحر توراعاسى سي تسزينپينگە كوڭىل ايتۋ جەدەلحاتىن جولدادى.