21 جاستاعى تەننيسشى تيموفەي سكاتوۆ ەكىنشى اپتا قاتارىنان ءساتتى ونەر كورسەتىپ, Roseto Degli Abruzzi سەرياسىنداعى توپىراق تۋرنيرلەرىنىڭ شيرەك فينالىنا شىقتى, دەپ حابارلايدى Egemen.kz.
16 ناۋرىزدا تيموفەي سكاتوۆ وسى جارىستاردىڭ ەكىنشى اينالىمىندا 31 جاستاعى پورتۋگالدىق گاشتون ەلياشتان وزىپ ءتۇستى. ءبىرىنشى سەتتى 6:2 ەسەبىمەن الىپ, ءارى قاراي قازاقستاندىق ەكىنشى قۇرعاق پارتيادان – 0:6 ەسەبىمەن ۇتىلدى, ال ويىننىڭ قورىتىندى بولىگىندە سكاتوۆ تەز جينالىپ, جەكپە-جەكتىڭ بارىسىن ءوز پايداسىنا بۇرا الدى. ويىن 7:5 ەسەبىمەن اياقتالدى.
تارتىستى بايگە شامامەن ەكى جارىم ساعاتقا سوزىلدى. پەتروپاۆلدىق تەننيسشى سەگىز برەيك-نۇكتە, ەكى قوس قاتە جانە ءبىر ەيس ورىندادى.
ەندى جارتىلاي فينالعا جولداما الۋ ءۇشىن قازاقستاندىق سپورتشىنى حورۆاتيا ەلىنىڭ وكىلى نينو سەردارۋشيچپەن كەزدەسۋ كۇتىپ تۇر.