«Red Wings» اۋە كومپانياسى 19 ناۋرىزدان باستاپ Sukhoi Superjet 100 ۇشاعىمەن ماسكەۋدەن نۇر-سۇلتان قالاسىنا ۇشا باستايدى, دەپ حابارلايدى Egemen.kz Lenta.ru سايتىنا سىلتەمە جاساپ.
الماتى مەن نۇر-سۇلتان قالالارىنا رەيستەر دومودەدوۆو اۋەجايىنان دۇيسەنبى, سارسەنبى جانە سەنبى كۇندەرى سىيىمدىلىعى 100 ورىندىق Sukhoi Superjet 100 (SSJ-100) رەسەيلىك لاينەرلەرى قاتىنايدى. كومپانيا قازاقستان استاناسىنا العاشقى رەيستى 19 ناۋرىزدا باستايدى دەپ ناقتىلادى. الماتىعا ۇشۋ 22 ناۋرىزدان باستاپ سەيسەنبى مەن بەيسەنبى كۇندەرى ىسكە قوسىلادى.
SSJ-100 ۇشاقتارى وتاندىق ليزينگتىك كومپانيالارعا تيەسىلى, رەسەيلىك اۆياتسيالىق رەگيستردە تىركەلگەن, سونداي-اق رەسەيدەگى ساقتاندىرۋ كومپانيالارىنا ساقتاندىرىلعان.