مەملەكەت باسشىسى قاسىم-جومارت توقاەۆ قازاقستان حالقىنا جولداۋى بارىسىندا ساياسي جۇيەدەگى مونوپوليا مەملەكەتتى داعدارىسقا ۇشىراتۋى مۇمكىن ەكەنىن ەسكە سالدى, دەپ حابارلايدى Egemen.kz.
«ساياساتتاعى مونوپوليا ءتۇرلى الەۋمەتتىك كەسەلدى تۋىنداتاتىنى جانە مەملەكەتتى داعدارىسقا ۇشىراتاتىنى انىق. ساياسي ترانسفورماتسيا بۇكىل سالادا تامىر-تانىستىق پەن مونوپوليانى تۇبىرىمەن جويىپ, ادال ءارى ءادىل «ويىن ەرەجەسىن» قالىپتاستىرۋدى كوزدەيدى. بۇكىل قۇزىرەت ءبىر قولدا بولۋىنا نەگىزدەلگەن باسقارۋ جۇيەسى قازىر ءوزىنىڭ تيىمدىلىگىن جوعالتتى. ساياسي جاڭعىرۋدىڭ باستى ماقساتى – ازاماتتاردىڭ مەملەكەتتى باسقارۋ ىسىندەگى ءرولىن ارتتىرۋ», دەدى پرەزيدەنت.
«جاڭا قازاقستاندى قۇرۋ ءىسى ادال ءارى ەركىن ساياسي باسەكە بولۋىن قامتاماسىز ەتۋدەن باستالادى.ء بىز بولاشاقتا قانداي ەل بولاتىنىمىزدى ناقتى بىلەمىز. جاڭا قازاقستاندى ازاماتتىق قوعامى قالىپتاسقان ءتيىمدى مەملەكەتكە اينالدىرامىز», دەپ تۇيىندەدى ق.توقاەۆ.