بۇگىن فۋتزالدان قازاقستان جاسوسپىرىمدەر قۇراماسى ەۋرو-2022 ىرىكتەۋ ءتۋرنيرى اياسىندا ويىندى باستايدى, دەپ حابارلايدى Egemen.kz Olympic.kz سايتىنا سىلتەمە جاساپ.
ىرىكتەۋ ويىندارى فينليانديادا 15-18 ناۋرىز ارالىعىندا وتەدى. فينالدىق تارتىس 2022 جىلدىڭ 4-10 قىركۇيەگى ارالىعىنا جوسپارلانعان.
ايتا كەتەيىك, قازاقستان قۇراماسى ءتورتىنشى توپقا ءتۇسىپ, پولشا, فينليانديا, بوسنيا جانە گەرتسەگوۆينا قۇرامالارىمەن وينايدى.
ءبىزدىڭ قۇرامانىڭ باپكەرى سەمەن پالاگۋتين ويىنشىلاردىڭ ناقتى ءتىزىمىن اياقتادى:
قاقپاشىلار: دىنمۇحاممەد يپماعامبەتوۆ («قايرات»), اندرەي گولۋبنيچي («اقتوبە»);
الاڭداعى ويىنشىلار: ەرجان كارمەنوۆ, لەۆ كيم, اقتىلەك باۋىرجان ۇلى, نۇرجان سارقىت (بارلىعى – «قايرات»), ەرسۇلتان وتەگەنوۆ, ۆاديم بۋلدين, قانات اۋەزوۆ, الديار قازبەكوۆ (بارلىعى – «ايات»), الديار بادانوۆ («تۇلپار»), رۋسلان ۇرگەنىشباەۆ («راحمەت»);
جاتتىقتىرۋشىلار شتابى: سەمەن پالاگۋتين – اعا باپكەر, الەكساندر دياچەنكو – اعا باپكەردىڭ كومەكشىسى.
فۋتزالدان قازاقستان U-19 قۇراماسىنىڭ ويىن كەستەسى:
15.03.2022. پولشا – قازاقستان – 17:00 16.03.2022. فينليانديا – قازاقستان – 23:00 18.03.2022. قازاقستان – بوسنيا جانە گەرتسەگوۆينا – 17:00