اسا اۋىر سالماق دارەجەسىندەگى الەمنىڭ بۇرىنعى چەمپيونى ەنتوني دجوشۋا WBC تۇجىرىمى بويىنشا الەم چەمپيونى, ۇلىبريتانيالىق تايسون فيۋري مەن تاعى ءبىر وتانداسى ديلليان ۋايت اراسىنداعى شايقاستا كىمگە جانكۇيەر بولاتىنىن ايتتى, دەپ حابارلايدى Egemen.kz championat.com-عا سىلتەمە جاساپ.
«مەن ونى قاتتى جەك كورسەم دە, ديلليانعا جانكۇيەر بولامىن. ەگەر ول جەڭىسكە جەتسە, كەيىن ونى ءوزىم جەڭگىم كەلەدى. ال قازىر مەن ونىڭ جانكۇيەرىمىن. ديلليان ۋايت تايسون ءفيۋريدىڭ قانداي تاسىلدەر قولداناتىنىن ابدەن زەرتتەپ, وعان قارسى قارۋ تابۋعا تىرىسۋى كەرەك. ديللياننىڭ تالماي تەر توگىپ, قارسىلاسىنىڭ وسال تۇسىن تاباتىنىنا سەنگىم كەلەدى. سولاي بولسا دەگەن تىلەگىم دە بار», دەيدى ەنتوني دجوشۋا ءوز ويىمەن ءبولىسىپ.