جاۋاپكەرشىلىك جۇگى جوعارى

وبلىس اكىمى قۇمار اقساقالوۆ انا­لار مەرەكەسى قارساڭىندا 7 با­لا­­نىڭ اناسى ينەش جانايدا­رو­ۆا, اننا ابىشەۆا جانە يرينا يساەۆاعا «التىن القا» تاپسىردى. ال 6 بالانى دۇنيەگە اكەلىپ, تاربيەلەگەن انار امانتاەۆا مەن گۇلبارشىن اقتاەۆا «كۇمىس القا» الدى. «انا» ءسوزى – بارىمىزگە قا­سيەت­تى ۇعىم. ءار ادامنىڭ ومى­رىن­­دە انانىڭ الار ورنى بولەك. وسى ورايدا كوپبالالى انالار اي­رىقشا قۇرمەتكە لايىق. حا­لىق­ارالىق ايەلدەر كۇنى قار­سا­­ڭىن­دا كوپبالالى انالاردى كوكتەمنىڭ شۋاقتى مەرەكەسىمەن قۇتتىقتايمىن. ءوز ومىرلەرىن بالا تاربيەسىنە ارناپ كەلە جاتقان باتىر انالارعا باس ءيىپ, العىس ايتامىن» دەپ جازدى وبلىس اكىمى قۇمار اقساقالوۆ الەۋمەتتىك جەلى­دەگى پا­راق­شاسىندا.

ال سولتۇستىك قازاقستان وبلى­سى­نىڭ پوليتسيا دەپارتا­مەن­تىندە 409 قىز-كەلىنشەك قىزمەت ەتەدى. ولاردان باسقا 175 ايەل ادام ەرىكتى جالدامالى قىزمەتتە. وفيتسەرلەردىڭ ىشىندە 10-ى باس­شىلىق لاۋازىمدى اتقارۋدا. پو­ليتسيا دەپارتامەنتىنىڭ باستىعى, پولكوۆنيك ايدىن قاب­دىل­دي­نوۆ ايەل قىزمەتكەرلەردى 8 ناۋ­رىز مەيرامىمەن قۇتتىقتاپ: ء«ار قىزمەتكەردىڭ ەڭبەگى ەرەكشە باعالى. ايەلدەر قولعا العان جۇمىسىن ۇنەمى جاۋاپكەرشىلىكپەن اتقارادى. تاباندىلىق پەن شى­دام­دىلىقتىڭ ارقاسىندا سىز­دەر وتباسىنىڭ قام­قورلىعى مەن پو­لي­تسياداعى جا­ۋاپكەرشىلىگى زور كۇر­دەلى جۇ­مىستى قاتار الىپ كەلە­سىزدەر», دەدى.

وسى كۇنى 40-قا جۋىق قىز-كەلىنشەك ۆەدومستۆولىق مەدالدار, توسبەلگىلەر, قۇرمەت گراموتالارى, العىسحاتتار الدى. ايەل پوليتسەيلەردىڭ شىعارماشىلىق قابىلەتتەرىن كورسەتكەن مۋزىكالىق بەينەروليكتەر, سونداي-اق بارلىق كورەرمەننىڭ جۇرەكتەرىن ەل­جىرەت­كەن انالار مەن اجەلەر جايلى بەينەروليكتەر زالعا جينالعان قىز-كەلىنشەكتەرگە ەرەكشە كوڭىل كۇي سىيلادى. مەرەكەگە ارنالعان جيىن پوليتسيا قىزمەتكەرلەرىنىڭ بالالارى مەن وبلىستىق پد مادەني ورتالىعىنىڭ قىزمەتكەرلەرى ونەر كور­سەت­كەن كونتسەرتپەن اياقتالدى.

سولتۇستىك قازاقستان وبلىسى