اتىراۋ وبلىسى قۇرمانعازى اۋدانىندا 16 اۋىل جەلدىڭ سالدارىنان جارىقسىز قالدى, دەپ حابارلايدى Egemen.kz اتىراۋ وبلىستىق تجد-عا سىلتەمە جاساپ.
5 ناۋرىزدا ساعات 03.10-دا قۇرمانعازى اۋدانىندا اۋا رايىنىڭ ناشارلاۋىنا بايلانىستى (قاتتى جەل - ەكپىنى سەكۋندىنا 22-23 مەتر) ءىشىنارا قۇرمانعازى, ورلى, شورتانباي, نۇرجاۋ, جاڭاتالاپ, قيعاش, بىرلىك, اقكول, ماقاش, دىڭعىزىل, تەڭىز, سافون, بايدا, كوپتوعاي, ەڭبەكشىل, كۋدرياشوۆ (ابونەنت سانى 52 907) ەلدى مەكەندەرىندە ەلەكتر ەنەرگياسىن بەرۋ اۆاريالىق جاعدايدا توقتاتىلدى.
جوندەۋ-قالپىنا كەلتىرۋ جۇمىستارىن «اتىراۋ جارىق» اق جۇرگىزىپ جاتقانىن حابارلادى. 10 اۆاريالىق بريگادا جانە 3 تەحنيكا جۇمىلدى.
«6 ناۋرىزدا ساعات 11.30-داعى جاعداي بويىنشا ورلى, شورتانباي اۋىلدارى جانە ءىشىنارا قۇرمانعازى كەنتىندە جارىق قوسىلدى. قالعان ەلدى مەكەندەردە قوسىلمادى (ابونەنت سانى - 38 333). قازىرگى ۋاقىتتا قالپىنا كەلتىرۋ جۇمىستارى جالعاسىپ جاتىر», دەپ حابارلادى وبلىستىق تجد وكىلدەرى.