مەملەكەت باسشىسى قاسىم-جومارت توقاەۆ Nur Otan پارتياسىنىڭ كەزەكتەن تىس سەزىندە وسىناۋ ساياسي ۇيىمنىڭ اتاۋىن Amanat دەپ وزگەرتۋدى قولدادى.
«امانات ءسوزىنىڭ – ماعىناسى تەرەڭ, حالقىمىزدىڭ تاريحى مەن مəدەنيەتىندە ەرەكشە ورىن الادى. ول بابالارىمىز وسيەت ەتكەن تəۋەلسىزدىكتىڭ مəڭگى ارمان-مۇراتى, قۋاتتى مەملەكەتتىلىكتىڭ جəنە جالپىۇلتتىق تۇتاستىقتىڭ, كەڭ-بايتاق وتانىمىزدىڭ قۇندىلىعى رەتىندە سيپاتتالادى. ءبىز وسى باعا جەتپەس مۇرامىزدى ساقتاپ, نىعايتۋعا ءتيىسپىز. بۇل – ءبىزدىڭ اعا بۋىن مەن وسكەلەڭ ۇرپاق الدىنداعى قاستەرلى بورىشىمىز. سوندىقتان مەن پارتيامىزدى رەسمي تۇردە «امانات» دەپ اتاۋدى تولىق قولدايمىن», دەدى مەملەكەت باسشىسى.
ساياسي پارتيانىڭ وزگەرۋى – قوعامدا بولىپ جاتقان وزگەرىستەردىڭ ءبىر بولىگى. پرەزيدەنت پارتيانىڭ اتاۋى وزگەرۋىمەن قاتار, ونىڭ ىشكى قۇندىلىقتارى دا نازارعا الىنۋ كەرەك ەكەنىن, ىشكى فۋنكتسيونالدىق جۇيەسى دە قايتادان قارالۋى كەرەك ەكەنىن جەتكىزدى. سەبەبى پارتيالىق جۇيە راسىمەن دە, مەملەكەتتىك باسقارۋ جۇيەسىن قايتالاپ كەلەدى. ياعني پارتيا ءوزىنىڭ نەگىزگى قىزمەتىنەن اۋىتقىپ كەتتى دەۋگە بولادى. انىعىندا ساياسي پارتيانىڭ نەگىزگى قىزمەتى قوعام مەن بيلىكتىڭ اراسىنداعى التىن كوپىر, اشىق الاڭ بولۋ ەدى. سول سەبەپتى بۇل وزگەرىستەر ەڭ الدىمەن, ساياسي پارتيانىڭ نەگىزگى قىزمەتىنە قايتىپ كەلۋىنە, ەكىنشىدەن, جاڭا زامانعا ساي تاسىلدەردى قولدانا باستاۋعا باعىتتالۋعا ءتيىس. تالقىلاناتىن ماسەلەلەر الەۋمەتتىك جەلىلەردە, اشىق الاڭداردا ەمەس, ينستيتۋتسيونالدى مەملەكەتتە بار ينستيتۋتتار ارقىلى جۇزەگە اسۋى كەرەك. سوندىقتان باسا نازاردى پرەزيدەنت پارلامەنت پەن ماسليحاتتارعا اۋداردى. بۇلار تەك فورمالدى رەسۋرس ەمەس, ادامداردىڭ نەگىزگى ماقساتتارىنا, قۇندىلىقتارىنا جۇمىس ىستەۋگە ءتيىس. ەندەشە بۇل تەك فورمالدى وزگەرىستەر ەمەس, ساپانى جاقسارتۋعا باعىتتالعان قادامدار.
«پارتيا اپپاراتىنىڭ جۇمىسىندا بيۋروكراتيانىڭ تەرىس سيپاتتارى انىق كورىندى. جەلىلىك كەستەلەر, ەسەپ بەرۋ جəنە قاعاز جۇزىندەگى ءىس-شارالار سايلاۋشىلارمەن تىكەلەي جۇمىس ىستەۋدى ەكىنشى ورىنعا سىرعىتتى. جۇمىسقا قۇلشىنىپ تۇرعان ازاماتتار ءوز ورىندارىن دارىنسىز فۋنكتسيونەرلەرگە بەرۋگە ءمəجبۇر بولدى. سوندىقتان ورتالىق اپپاراتتىڭ فيليالدارمەن جəنە باستاۋىش پارتيالىق ۇيىمدارمەن ءوزارا ءىس-قيمىل əدىستەرىن تولىعىمەن قايتا قاراۋ قاجەت. بيۋروكراتيا مەن قاعازباستىلىقتان ءۇزىلدى-كەسىلدى باس تارتۋ كەرەك», دەدى پرەزيدەنت. وسىلايشا, پارتيانىڭ كادرلىق جۇمىس ماسەلەسىنە دە باسا نازار اۋدارىلدى. شىن مانىسىندە, ساياسي پارتيالىق جۇمىس – قوعامدىق جۇمىس, قوعاممەن, ادامدارمەن, ءارتۇرلى الەۋمەتتىك توپتارمەن ىستەيتىن قىزمەت. سەبەبى بۇل قىزمەت ءوندىرىس نە بولماسا شيكىزات اينالاسىنداعى جۇمىس ەمەس. قوعامدىق جۇمىس دەگەنىڭىز ادامنان, قىزمەتكەردەن وزگەشە قاسيەتتەردى تالاپ ەتەدى.
ماسەلەن, ونداي قىزمەتكەرگە جوعارى كوممۋنيكاتسيا, ءبىلىم, ءارتۇرلى الەۋمەتتىك توپپەن سويلەسۋگە قابىلەت قاجەت. ويىن اشىق جەتكىزۋى, ادامداردىڭ سانا-سەزىمىنە, قۇندىلىقتارىنا ساي ىستەيتىن ارەكەتتەرى بولۋى كەرەك. پارتيانىڭ قۇندىلىقتارى مەن باعدارلاماسىن ەلگە جەتكىزە بىلۋگە جانە كەرىسىنشە, قوعامنىڭ مۇقتاجىن پارتيانىڭ رەسۋرسى ارقىلى شەشۋگە تىرىسۋعا, سوعان ۇمتىلۋعا ءتيىس. سول سەبەپتى پارتياعا كادر ىرىكتەۋ كەزىندە وسىنداي ماسەلەلەرگە بارىنشا ءمان بەرگەن ءجون. پرەزيدەنت ايتىپ وتكەندەي, سوندا عانا فۋنكتسيونەر ەمەس, كوزى جانىپ تۇرعان جالىندى ازاماتتار جۇمىسقا ناقتى كىرىسەدى.
پارتيا قوعامنىڭ ءبىر ينستيتۋتى رەتىندە, ونىڭ ىشىندە پارتيالىق الەۋمەتتىك ليفتتەر بولۋى كەرەك. ادامدار پارتياعا بىرەۋدىڭ مۇقتاجدىعىنان كەلمەيدى. ءاربىر ازامات مەنىڭ وي-پىكىرىم وسى پارتيامەن ۇندەسەدى, وسى پارتيا ارقىلى ءوزىمنىڭ پايىمىمدى جەتكىزە الامىن دەگەن كەزدە عانا سانالى تۇردە ساياسي ينستيتۋتقا قوسىلادى. سول سەبەپتى قازىرگى وزگەرىستەردەن ۇلكەن ءۇمىت كۇتەمىز. قوعامدا بەتبۇرىس باستالدى. بۇدان بىلاي الەۋمەتتىك توپتاردىڭ نارازىلىعى الاڭداردا ەمەس, ساياسي ينستيتۋتتاردا ايتىلادى دەگەن ۇمىتتەمىز. بىزدە ونداي ينستيتۋت بار. تەك جۇيەلى قولدانا الماي وتىرمىز. ەندىگى ماسەلە سونى ءبىر جۇيەگە كەلتىرۋ بولىپ وتىر. جاڭا تاسىلدەرگە, تىڭ قادامدارعا بارعان ءجون. ورتالىق اپپارات پەن فيليالدىڭ اراسىنداعى قارىم-قاتىناس وزگەرۋگە ءتيىس.
ايگۇل سادۋاقاسوۆا,
الەۋمەتتانۋشى