دەتسەنتراليزاتسيا – دۇرىس شەشىم. ورتالىققا تاۋەلدى پارتيا بيۋروكراتيالىق تەتىكتەرگە بايلاۋلى بولادى. بۇنداي كەدەرگىلەر حالىقتىڭ امانات دەپ بەرىپ وتىرعان دۇنيەلەرىن ورىنداۋعا جول بەرمەيدى.
قاعازباستىلىق, بيۋروكراتيالىق تەجەۋ كۇشتەرىنىڭ بارلىعى پارتيانىڭ جاڭاشا جۇمىس ىستەۋىنە كەسىرىن تيگىزەتىن ەڭ باستى دۇنيە دەپ ويلايمىن. سوندىقتان پرەزيدەنتتىڭ جانە پارتيا حاتشىلىعىنىڭ باستاۋىمەن پارتيانىڭ مودەرنيزاتسيالاۋعا دەگەن بەت بۇرىسى – ۋاقتىلى جاسالعان قادام.
ءوز كەزەگىمدە ءماجىلىس قاتارىنا كەلگەن جاڭا دەپۋتات جانە پارتيانىڭ ساياسي كەڭەسىنىڭ مۇشەسى ساياسات نۇربەكتىڭ ءسوزى ماعان قاتتى اسەر ەتكەنىن اتاپ وتكىم كەلەدى. ونىڭ ۇسىنىپ وتىرعان دۇنيەلەرى وتە دۇرىس دەپ ەسەپتەيمىن. حالىقتىڭ بەرىپ وتىرعان اماناتى, جازىلاتىن وتىنىشتەر, شاعىمدار – وسىنىڭ بارلىعى ۇلكەن اقپارات بازاسى. سول اقپارات بازاسىنا ساراپتاۋ جاساۋ, سۇرىپتاۋ, بەلگىلەۋ, ارينە بەلگىلى ءبىر دەڭگەيدە جۇرگىزىلىپ جاتىر. بىراق بۇل جۇمىستار قازىرگى زامانعا ساي ەمەس. سوندىقتان ساياسات نۇربەكتىڭ Big Data دەگەن تەرمينمەن ەنگىزىلىپ وتىرعان باستاماسى وتە قۇپتارلىق. وسى ساراپتاۋ جۇمىستارى Big Data ارقىلى جۇرگىزىلەتىن بولسا, بۇگىنگى مىناۋ شاعىم-ارىزداردىڭ ىشىندەگى حاوس, اقپاراتتىق حاوس ورىن-ورنىنا كەلىپ, جەكە-جەكە قاراستىرۋعا جانە جۇمىستى بەلگىلى ءبىر باعىتقا قويۋعا, ءار دەپۋتاتتىڭ مۇمكىندىگىن دۇرىس پايدالانۋعا ءوزىنىڭ وڭ اسەرىن تيگىزەدى.
دانا نۇرجىگىت,
سەنات دەپۋتاتى