اقىلى جول بويىندا سىنىپ قالعان كولىكتى ەۆاكۋاتور باراتىن جەرىنە دەيىن تەگىن جەتكىزىپ بەرەدى. بۇل تۋرالى «قازاۆتوجول» ۇلتتىق كومپانياسىنىڭ اقىلى جولدار ديرەكتسياسى ديرەكتورىنىڭ ورىنباسارى ساكەن ادىلبەكوۆ باق وكىلدەرىنە ارنالعان ءباسپاسوز تۋرى بارىسىندا ءمالىم ەتتى, دەپ حابارلايدى Egemen.kz.
«ەگەر ءسىزدىڭ كولىگىڭىز اقىلى جول بويىندا سىنىپ قالعان جاعدايدا, ءبىز ونى بارا جاتقان جەرىڭىزگە تەگىن جەتكىزىپ بەرەتىن بولامىز. ياعني اقىسىز ەۆاكۋاتسيالايمىز. بۇل ماسەلە قازىر قارالىپ جاتىر. اتالعان شارا جوسپار بويىنشا بيىل ىسكە قوسىلماق. قوسىمشا حابار بەرىلەدى. نەگىزى جولدا بۇزىلىپ قالعان نەمەسە جول-كولىك وقيعاسىنا تاپ بولعان كولىكتەردى ەۆاكۋاتسيالاۋ بۇعان دەيىن دە بار قىزمەت. وقىس وقيعا بولعان جاعدايدا ءبىزدىڭ ماماندار ۇنەمى قول ۇشىن سوزادى», دەدى ساكەن ادىلبەكوۆ تىلشىلەردىڭ ساۋالىنا جاۋاپ بەرە تۇرىپ.