مەنىڭ ويىمشا, قوعامنىڭ باستى نازارى قاي كەزدەگىدەي پارتيانىڭ اتى وزگەرگەنىنە اۋىپ وتىرعان سياقتى. نەگىزى ءبىرىنشى كەزەكتە پرەزيدەنت ايتقان باستامالارعا نازار اۋدارۋ كەرەك.
ەڭ الدىمەن, مەملەكەت باسشىسى ق.توقاەۆ پارتيالىق اپپاراتتى ورتالىقسىزداندىرۋ تۋرالى ايتتى. ورتالىق اپپارات دامۋدىڭ نەگىزگى ۆەكتورلارىن بەلگىلەپ, ورتاق يدەولوگيانى, قانداي دا ءبىر دەڭگەيلىك ءىس-شارالاردى ازىرلەۋگە ءتيىس. ال جەرگىلىكتى ورىنداردا ناقتى ماسەلەلەر شەشىلۋگە ءتيىس ەكەندىگى ايتىلدى. ەگەر ول ماسەلەلەر رەسپۋبليكالىق جانە جۇيەلى سيپاتقا يە بولسا, پارلامەنت دەڭگەيىنە شىعارىلۋى كەرەك.
پرەزيدەنت پارتيا وكىلدەرىنە بۇدان بىلاي دەپۋتاتتىق ساۋالدارمەن شەكتەلۋ ازدىق ەتەتىنىن ديپلوماتيا تىلىمەن ۇعىندىرا الدى. پارتيا مۇشەلەرىنە – سايلاۋ ارقىلى ماجىلىسكە, ماسليحاتتارعا وتكەندەرگە سايلاۋشىلارمەن تىكەلەي تىلدەسۋ كەرەك. ەكى اراداعى قارىم-قاتىناس پىكىرسايىس ارقىلى ءوتۋى كەرەك. ياعني مۇنداي ترانسپارەنتتىلىكتى, دەپۋتاتتاردىڭ نەمەسە باستاۋىش پارتيا ۇيىمدارى باسشىلارىنىڭ رەيتينگىلەرى ارقىلى ەنگىزۋگە بولادى. بۇل پارتيانىڭ جۇمىسىن ايقىن ەتەدى. ساياساتتىڭ قالىپتى ەرەجەلەرىنە سايكەس ارەكەت ەتۋدىڭ, ادامدارمەن, جۋرناليستەرمەن, قوعام وكىلدەرىمەن سويلەسۋدەن قورىقپاۋدىڭ قاجەتتىگى تۋىنداپ وتىر. ەڭ ماڭىزدىسى, قازاقستان ساياساتىنا جاريالىلىق ورالادى.
نيكيتا شاتالوۆ,
پرەزيدەنت جانىنداعى قازاقستان ستراتەگيالىق زەرتتەۋلەر ينستيتۋتىنىڭ باس ساراپشىسى