نۇر-سۇلتان قالاسىنىڭ قورشاعان ورتانى قورعاۋ جانە تابيعاتتى پايدالانۋ باسقارماسى 2020 جىلى «Kazecotech عىلىمي-تەحنيكالىق كاسىپورنى» جشس-مەن قاۋىپتى قالدىقتاردى باسقارۋ بويىنشا مەملەكەت-جەكەشەلىك ارىپتەستىك شارتىن جاساستى. ناتيجەسىندە, قايتا وڭدەلگەن ماتەريالدار پروتەزدىك-ورتوپەديالىق بۇيىمداردى دايىنداۋ كەزىندە پايدالانىلاتىن بولادى.
باسقارمانىڭ ۇسىنىمى نەگىزىندە ىسكە قوسىلعان ءمجا اياسىندا مودۋلدىك تسەح سالىندى. بۇل نۇر-سۇلتاندا پروتەزدىك-ورتوپەديالىق كومەك كورسەتۋ ورتالىعىن قۇرۋدىڭ العاشقى قادامى بولىپ سانالادى. سوندىقتان ەلوردادا تۇراتىن مۇگەدەك جاندار قازاقستاننىڭ باسقا وڭىرلەرىنە بارماي-اق تولىق قىزمەت ءتۇرىن الا الادى.
تەحنولوگيالىق پروتسەستە ارماتۋرالايتىن ماتەريال جانە ت.ب. سياقتى قالدىقتاردى قايتا وڭدەۋ كەزىندە الىناتىن باعالى ماتەريالدىق رەسۋرستار پايدالانىلادى.
نۇر-سۇلتان قالاسى اكىمدىگىنىڭ قولداۋىمەن جەكەمەنشىك ارىپتەستەر وڭالتۋدىڭ تەحنيكالىق قۇرالدارى جانە پروتەزدىك-ورتوپەديالىق بۇيىمدار سالاسىنداعى الەمدىك كوشباسشى – Ottobock (گەرمانيا) نەمىس كونتسەرنىمەن كەلىسسوزدەر جۇرگىزدى. ءوز كەزەگىندە ولار ەلوردالىق جوبانى قولداپ قانا قويماي, ونى جۇزەگە اسىرۋعا بەلسەندى قاتىسۋدا. ناتيجەسى ۇزاققا سوزىلمادى: العاشقى پاتسيەنتتەر اياعىنان تىك تۇرىپ, قالىپتى ومىرگە قايتا كەلدى. ەندى Ottobock پروتەزدەرى بويىنشا كومەك كورسەتۋ قازاقستان استاناسىندا دا بولادى. بۇل رەتتە جوبا بۇيىمداردى ءوندىرۋ كەزىندە قايتا وڭدەلگەن شيكىزاتتى پايدالانۋ ارقىلى قالا ەكولوگياسىن جاقسارتۋعا ۇلكەن ۇلەس قوسادى.