بۇگىن كيەۆ دەلەگاتسياسى رەسەيمەن كەلىسسوز وتكىزۋ ماقساتىندا بەلارۋس شەكاراسىنا باردى. ۋكراينا پرەزيدەنتىنىڭ كەڭسەسى اتىستى توقتاتۋ جانە ۋكراينا اۋماعىنان اسكەرلەردى شىعارۋ كەزدەسۋدىڭ باستى ماقساتى ەكەنىن اتاپ ءوتتى, دەپ حابارلايدى Egemen.kz تاسس-قا سىلتەمە جاساپ.
«ۋكراينالىق دەلەگاتسيا رەسەي فەدەراتسياسىنىڭ وكىلدەرىمەن كەلىسسوزدەرگە قاتىسۋ ءۇشىن ۋكراينا-بەلارۋس شەكاراسىنا كەلىپ جەتتى», دەلىنگەن پرەزيدەنت كەڭسەسىنىڭ Telegram-كانالىندا جاريالانعان حابارلامادا.
كەلىسسوزدەردىڭ كۇن تارتىبىندە اتىستى دەرەۋ توقتاتۋ جانە ۋكراينا اۋماعىنان اسكەرلەردى شىعارۋ ماسەلەلسى تالقىلاناتىن بولادى.
رەسەي فەدەراتسياسىمەن كەلىسسوزدەردە كيەۆ دەلەگاتسياسىنىڭ قۇرامىنا قورعانىس ءمينيسترى الەكسەي رەزنيكوۆ جانە زەلەنسكي كەڭسەسى باسشىسىنىڭ كەڭەسشىسى ميحايل پودولياك بار.