بۇل سۇراققا پارلامەنت سەناتىنىڭ سپيكەرى ماۋلەن اشىمباەۆ «نەكۋرۋلتاي» YouTube-ارناسىنىڭ اۆتورى عازيز ابىشەۆپەن وتكەن سۇحباتىندا جاۋاپ بەردى, دەپ حابارلايدى Egemen.kz.
«جاڭا زاڭدار ساپالى جانە پىسىقتالعان بولۋى ءۇشىن بىزگە ساراپشىلاردان كەڭەس الۋ, الەمدىك تاجىريبەنى تالداۋ, قانداي دا ءبىر باعىتتاردا جەتىستىكتەرگە قول جەتكىزگەن ادامدارمەن قارىم-قاتىناس جاساۋ قاجەت. سوندىقتان ءبىز سەنات جانىنداعى جاس ساراپشىلار كلۋبى سياقتى الاڭ قۇردىق. ءبىزدىڭ كلۋبتىڭ مۇشەلەرى زاڭ جوبالارىن دايىنداۋعا بەلسەندى قاتىساتىنىن بىلەسىزدەر. ولار ءوز پىكىرلەرىن ورتاعا سالادى, ولارعا باعا بەرەدى, زاڭ قابىلداۋ كەزىندە ەسكەرىلەتىن ۇسىنىستار ازىرلەيدى. ولار ءۇشىن بۇل بەلگىلى ءبىر ءوزىن-ءوزى جۇزەگە اسىرۋ. سوندىقتان, قازىرگى ۋاقىتتا جاستارمەن تىعىز قارىم-قاتىناس جاساۋ ماڭىزدى. ولاردا «تەمىربەتون» سياقتى قالىپتاسقان ستەرەوتيپتەرى جوق. ولار بەلگىلى ءبىر اقپاراتتى, كەيبىر يدەيالاردى قابىلداۋعا اشىق, ولار يكەمدى, كەيبىر نارسەلەردى وزدەرى وزگەرتۋگە دايىن. بۇنىڭ بارلىعى - تەك جاستاردىڭ بويىندا بولاتىن ەرەكشەلىك», دەدى سەنات توراعاسى.
ماۋلەن اشىمباەۆ ءوز سوزىندە اشىق بولۋ, باسقانىڭ پىكىرىن قابىلداۋ, باسقا ادامداردى تىڭداۋ, قاجەت بولعان جاعدايدا ءوز ۇستانىمدارىن وزگەرتۋ بۇگىندە ۇلكەن ماڭىزعا يە ەكەنىن ايتتى.
«جاڭا قازاقستاننىڭ تۇجىرىمداماسىن جۇزەگە اسىرۋ اياسىندا ءبىر-ءبىرىمىزدى تىڭداۋ, ءبىر-بىرىمىزگە قولداۋ كورسەتۋ, ءبىر-بىرىمىزدەن ۇيرەنۋ وتە ماڭىزدى. مەنىڭ ويىمشا, جاڭا قازاقستاندى قۇرۋ ءۇشىن وسىنداي كاسىبي ماماندار توبىمەن اناليتيكا مەكتەبى بويىنشا جوبا, جاس ساراپشىلار كلۋبى بويىنشا جوبا جانە ءبىز اينالىساتىن باسقا دا جوبالار جۇمىس ىستەيدى», دەپ تولىقتىردى ماۋلەن اشىمباەۆ.