قۇرلىقتىق حوككەي ليگاسىنداعى (قحل) گاگارين كۋبوگى جولىنداعى جارىسقا قىزۋ دايارلانىپ جاتقان كوماندالاردىڭ كوبى قازىرگى كەزدە جاتتىعۋ كەزدەسۋلەرىن وتكىزۋدە.
نۇر-سۇلتاننىڭ «بارىسى» ماسكەۋدە جەرگىلىكتى «سپارتاكپەن» كۇش سىناستى. باسەكە باستالعان بەتتەن ويىن تىزگىنىن قولعا العان جەرلەستەرىمىز ءبىرىنشى كەزەڭدە قارسىلاستارىنا باس كوتەرتپەدى. 5 جانە 8-مينۋتتاردا ەگور پەتۋحوۆ ءدۋبلدىڭ اۆتورى اتانسا, 10 جانە 14-مينۋتتاردا كەرتيس ۆولك پەن ياكوب بەرگلۋنت ءبىر-ءبىر رەتتەن نىسانانى ءدال كوزدەدى. سول ارالىقتا ايدىن يەلەرىنىڭ ساپىنداعى ەميل پەتتەرسون ءبىر گول سالىپ ۇلگەردى. ۇزىلىستەن كەيىن كيريلل ساۆيتسكي مەن ءاليحان اسەتوۆ مەرگەندىك تانىتتى. ماسكەۋلىكتەر اراسىنان دميتري ۆيشنەۆسكي گول سوقتى. ءۇشىنشى كەزەڭدە ۆولك كەزدەسۋدىڭ سوڭعى نۇكتەسىن قويدى. ەسەپ – 7:2.
«بارىس» ماسكەۋدە تاعى ەكى جولداستىق كەزدەسۋ وتكىزۋدى جوسپارلاپ وتىر.