كەشە سولتۇستىك قازاقستان وبلىسى تيميريازەۆ اۋدانىنىڭ قوستاناي وبلىسىمەن شەكارالاس جەرىندە ەكى بالىقشىنىڭ اداسىپ, قار قۇرساۋىندا قالعانى تۋرالى دابىل اۋدان ورتالىعىنداعى №18 ءورت ءسوندىرۋ بولىمىنە جانى شىعىپ, شىرىلداعان ايەلدەن تۇسكەن. اداسقانداردىڭ ءبىرى ونىڭ كۇيەۋى ەكەن, دەپ جازادى Egemen.kz.
قاردا جۇرەتىن «نيۆا-برونتو» كولىگىمەن قۇتقارۋشىلار جەدەل جولعا شىعادى. تەك ءبىر جارىم ساعاتتان كەيىن عانا ولار قاق كولىنىڭ ماڭىندا قارعا باتىپ قالعان بالىقشىلاردى تاپقان. ايتەۋىر وسى كۇنى كۇن قاتتى ايازدى بولماعان, ايتپەسە بالىقشىلاردىڭ ءۇسىپ قالۋى كادىك ەدى. قۇتقارۋشىلار ولاردى تيميريازەۆ سەلوسىنداعى ۇيلەرىنە امان-ەسەن جەتكىزگەن.
وسى وقيعادان ەكى ساعات بۇرىن عانا تايىنشا اۋدانىنىڭ قۇتقارۋشىلارى نۇر-سۇلتان قالاسىنان كەلىپ, شاعالالى كولىندە بالىق اۋلاماق بولعاندا اداسىپ كەتكەن استانالىق جىگىتتى دە اجالدان قۇتقاردى. وقيعا وسى اۋداننىڭ چەرموشنيان اۋىلدىق وكرۋگىنىڭ اۋماعىندا بولعان. ەكى جاعدايدا دا بالىقشىلار توتەنشە جاعداي قىزمەتىنىڭ اۋا رايى بۇزىلىپ, بوران سوعادى دەگەن ەسكەرتۋىن ەلەمەگەن.