وڭىردە جىل باسىنان بەرى ونداعان جول-كولىك وقيعاسى ورىن الىپ, اپاتتىڭ سالدارىنان 14 بالا جاراقات الدى. ولاردىڭ تورتەۋى جاياۋ جۇرگىنشى بولسا, قالعاندارى كولىكتەگى جولاۋشىلار. وسى ءبىر دەرەكتەردى جالعاستىرا زەرتتەپ, ءتيىستى مامانداردىڭ پىكىرىن بەزبەندەسەڭىز, ەڭ ءبىرىنشى سەبەپ بەيقامدىق ەكەن. بالا بىتكەننىڭ قاۋىپ قايدان دەپ ويلاپ, قاپەرلەرىنە ىلە بەرمەيتىنى دە بار. دەمەك, اتا-انالار مەن ۇستازدارى ايتىپ كەلمەس اپاتتىڭ, ورنى تولماس وكىنىشتىڭ الدىن الۋى كەرەك.
جول-كولىك وقيعالارىنىڭ 70 پايىزى رەسپۋبليكالىق ماڭىزداعى كۇرە جولداردا ورىن العان. ءجيى قايتالاناتىن وقيعالارعا ساراپتاما جاساعان جەرگىلىكتى پوليتسيا قىزمەتى باسقارماسى قاۋىپسىزدىك شارالارىن كۇشەيتۋگە تالپىنۋدا. ايتسە دە قايعىلى وقيعالار قاتارى سەيىلمەي تۇر. «وتكەن جىلى 109 جول-كولىك وقيعاسى ورىن الىپ, 8 بالدىرعان قازا بولدى, 217-ءسى جاراقات الدى. 2020 جىلمەن سالىستىرعاندا اپات سانى ەكى ەسە ءوستى. ءبىر ايتا كەتەرلىگى, ون ەكىدە ءبىر گ ۇلى اشىلماي ومىردەن وتكەن 8 بالانىڭ ەكەۋى جاياۋ جۇرگىنشى, بەسەۋى كولىكتە كەلە جاتقان جولاۋشىلار, ەندى ءبىرى موتوتسيكل جۇرگىزىپ, مەرت بولعان», دەيدى وبلىستىق جەرگىلىكتى پوليتسيا قىزمەتى باسقارماسى باستىعىنىڭ ورىنباسارى ەربولات قۇسايىنوۆ.
ء«بىز مەكتەپ وقۋشىلارىنىڭ ساناسىنا جول قوزعالىسى ەرەجەسىن سىڭىرۋدەمىز. بۇل ورايدا اسىرەسە باستاۋىش سىنىپ وقۋشىلارىنا ايرىقشا نازار اۋدارۋىمىز كەرەك», دەيدى كوكشەتاۋ قالالىق پوليتسيا باسقارماسى يۋۆەنالدى پوليتسياسىنىڭ ۋچاسكەلىك ينسپەكتورى قۋات قاجىموۆ.
اپاتتىڭ ازايماي تۇرعانىنا قاراعاندا بۇل ءىستى ءالى دە شيراتا ءتۇسۋ كەرەك. ولقىلىق ستاتيستيكالىق دەرەكتەردەن دە كورىنىپ تۇر. جىل باسىنان بەرى 65 جول-كولىك وقيعاسى تىركەلگەن, 92 ادام ءارتۇرلى جاراقات العان. تاياۋدا عانا بەس بىردەي ادام كولىك اپاتىنىڭ قۇربانى بولدى. جول بەيقامدىقتى كەشىرمەيدى.
اقمولا وبلىسى