ەسىل وبلىسارالىق باسسەيندىك بالىق شارۋاشىلىعى ينسپەكتسياسىنىڭ قىزمەتكەرلەرى بالىق شارۋاشىلىعى سۋ ايدىندارىندا مونيتورينگ جۇرگىزۋ بارىسىندا ەسىل وزەنىندە بالىقتىڭ جاپپاي قىرىلۋى ورىن العاندىعىن انىقتاعان.
قازىرگى ۋاقىتتا بالىققا كەلگەن ناۋبەتتى توقتاتۋ باعىتىندا جۇمىس جۇرگىزىلۋدە. مۇز استىنداعى بەلگىسىز سەبەپتەن ولگەن بالىق جينالىپ, زەرتحانالىق زەرتتەۋگە جولداندى. زەرتتەۋ قورىتىندىسى بەلگىلى بولعاننان كەيىن جاريالانباق. بىلىكتى مامانداردىڭ ايتۋىنا قاراعاندا, بالىقتىڭ قىرىلۋى مۇز استىندا وتتەگىنىڭ جەتىسپەۋشىلىگىنەن بولۋى ابدەن مۇمكىن.
استراحان اۋدانىنىڭ نوۆوچەركاسسكوە اۋىلى ماڭىنان وتەتىن ەسىل وزەنىنىڭ اڭعارىنان 85 كيلوعا جۋىق ولگەن بالىق جينالعان. قازىر اۋىل شارۋاشىلىعى مينيسترلىگى ۆەتەرينارلىق باقىلاۋ جانە قاداعالاۋ كوميتەتىنىڭ وبلىستىق اۋماقتىق ينسپەكتسياسىنىڭ وكىلدەرىمەن بىرلەسىپ, سىناما جۇمىستارى جۇرگىزىلۋدە. ولگەن بالىقتار سانيتارلىق نورمالاردى ساقتاي وتىرىپ, جويىلادى.
قازىرگى تاڭدا مۇزدىڭ استىڭعى قاباتىنا وتتەگىن وتكىزۋ ءۇشىن ەكى موتوپومپا ورناتىلعان. بۇل دا تۇنشىققان بالىقتارعا سەپ بولۋعا ءتيىستى. ساراپتاما قورىتىندىسى بەلگىلى بولعاننان كەيىن ءتيىستى جۇمىستار اتقارىلماق.
اقمولا وبلىسى