فرانتسيالىق «پسج» فۋتبول كلۋبىنىڭ شابۋىلشىسى, «التىن دوپ» سىيلىعىنىڭ جەتى دۇركىن جەڭىمپازى ليونەل مەسسي كومانداسىنىڭ چەمپيوندار ليگاسىنداعى مۇمكىندىگى تۋرالى پىكىر ءبىلدىردى, دەپ حابارلايدى Egemen.kz championat.com-عا سىلتەمە جاساپ.
«مەنىڭ ويىمشا ءبىزدىڭ كوماندامىزدىڭ چەمپيوندار ليگاسىندا توپ جاراتىن مۇمكىندىگى مول. ءبىز وسى جولدا بارىمىزدى سالىپ جاتىرمىز. ويىمىزدى جۇزەگە اسىرۋ ءۇشىن ەڭبەكتەنەمىز. چەمپيوندار ليگاسىن ۇدايى ەڭ مىقتى ۇجىم ۇتا بەرمەيتىنى بەلگىلى. سوندىقتان ءبىز ءاربىر دەتالعا نازار اۋدارۋىمىز كەرەك. مىقتىلاردىڭ مىقتىسى عانا توپ جاراتىن تۋرنيردە بارلىق جاعدايدى ويلاعان ءلازىم. ءدال قازىرگى كەزدە ءبىزدىڭ ۇجىم ماقساتىنا قول جەتكىزۋدى ويلايدى», دەيدى ليونەل مەسسي.