كەنتاۋ قالاسىنىڭ تۇرعىنى گۇلجاھان كەرىمبايقىزى تاستاندى سابيلەردى تاربيەلەپ ءوسىرگەن ارداقتى انا. ەل تاۋەلسىزدىگىن العان العاشقى جىلدارى وتاعاسى ىسقاق تۇرعانباي ۇلى «ارنۇر» اتتى وتباسىلىق بالالار ءۇيىن اشقان. اقساقالدىڭ قولعا العان يگىلىكتى ءىسىن زايىبى گۇلجاھان دا قولداپ, قۋاتتاعان. سول كەزدە وتباسىلىق ۇلگىدەگى بالالار ءۇيى 13 تاستاندى ءسابيدى قابىلداپتى. ولاردىڭ 8-ءى بەسىكتەگى قۇنداقتاۋلى بۇلدىرشىندەر بولسا, قالعاندارىنىڭ جاسى ءالى بىرگە تولماعان پەرىشتەلەر ەكەن. كەيىننەن 2 بالا تۋعان انالارىمەن قايتا قاۋىشادى. ال 7 ءسابيدى بالا ءيىسىن اڭساعان ءوزگە وتباسىلار باۋىرىنا باسقان. قالعان 4-ءۋى قازىرگى كەزدە جۇماشەۆتار اۋلەتىنىڭ مۇشەلەرى. قىزداردىڭ الدى جوعارى وقۋ ورىندارىنىڭ ستۋدەنتتەرى.
ىسقاق جۇماشەۆ كوپ جىلدار بويى دەنساۋلىق ساقتاۋ سالاسىندا ەڭبەك ەتكەن. شاڭىراقتىڭ شامىن جاققان گۇلجاھان كەرىمبايقىزى دا اق حالاتتى ابزال جان. جايدارى جۇپ دۇنيەگە اكەلگەن 3 ۇل, 2 قىزدى ادامگەرشىلىگى مول, ءيمانجۇزدى جاندار ەتىپ تاربيەلەدى. بۇگىنگى كۇنى ارقايسىسى ەلىنە ادال قىزمەت ەتۋدە. قازىرگى كەزدە قوس قاريا 22 نەمەرەنىڭ ماڭدايىن يىسكەپ, قىزىعىنا تويماۋدا. ءومىردىڭ ىستىق-سۋىعىنا بىرگە توزگەن ىسقاق اتا كەنتاۋ قالاسىنىڭ قۇرمەتتى ازاماتى بولسا, گۇلجاھان اپا «كۇمىس القانىڭ» يەگەرى.
ارينە, دۇنيەگە كەلگەنىنە ءالى كۇن دە تولماعان تاستاندىلاردى جەتىلدىرىپ, وتباسىنىڭ مۇشەسى ەتىپ قابىلداۋ كەز كەلگەن ادامنىڭ قولىنان كەلە بەرمەيدى. وسىنى ەسكەرسەك, ىسقاق اتا مەن گۇلجاھان اپانىڭ جانە ولاردىڭ ۇل-قىزدارىنىڭ بۇل جولدا كورسەتكەن ىستەرى ۇلكەن ەرلىكپەن پارا-پار ەكەندىگى انىق.
قايرات زاينيشەۆ.
كەنتاۋ.