استانادا وتكەن تاۋلىكتە 142 جول-كولىك وقيعاسى تىركەلدى. ەلوردالىق پوليتسيا قىزمەتكەرلەرى جول قوزعالىسى قاۋىپسىزدىگىن قامتاماسىز ەتۋ ءۇشىن بارلىق قاجەتتى شارالاردى قابىلداپ جاتىر, دەپ حابارلايدى Egemen.kz.
ءتارتىپ ساقشىلارى قيىن جاعدايعا تاپ بولعان جۇرگىزۋشىلەرگە بارىنشا كومەك كورسەتۋدە. اۋا رايىنىڭ قولايسىزدىعىن ەسكەرە وتىرىپ, پوليتسەيلەر قىزمەت وتكەرۋ كەزىندە بالالار مەن قارت جاياۋ جۇرگىنشىلەرگە جول وتكەلىندە كومەك كورسەتەدى.
وتكەن تاۋلىكتە ەلوردادا 142 جول-كولىك وقيعاسى تىركەلىپ, تورتەۋى زارداپ شەكتى.
«جۇرگىزۋشىلەرگە قوزعالىس كەزىندە وتە مۇقيات جانە ساق بولۋدى, جىلدامدىق رەجيمىن قاتاڭ ساقتاۋدى, قاۋىپسىز قاشىقتىقتى جانە مانەۆر جاساۋ ەرەجەلەرىن مۇلتىكسىز ساقتاۋدى, سونداي-اق كۇرت تەجەۋگە جۇگىنبەۋ قاجەت. جاياۋ جۇرگىنشىلەردەن جولدى تەك بەلگىلەنگەن ورىنداردان كەسىپ ءوتۋدى سۇرايمىز. وسىعان بايلانىستى, جاياۋ جۇرگىنشىلەر وتكەلىنىڭ الدىندا قوزعالىس جىلدامدىعىن بارىنشا ازايتىپ, جالپى ءبىلىم بەرۋ مەكەمەلەرىنىڭ جانىندا وتە مۇقيات بولۋدى ەسكەرتەمىز», دەيدى پاترۋلدىك پوليتسيا پولكى كومانديرىنىڭ م.ا. مارات بەيسەمباەۆ.
مەحانيكالاندىرىلعان جيناۋعا كەدەرگى كەلتىرەتىن كوشە بويىندا اۆتوكولىكتەردى قويۋ فاكتىلەرى بويىنشا جۇرگىزۋشىلەرگە قاتىستى اكىمشىلىك شارالار قولدانىلادى, سونداي-اق كولىك قۇرالدارى ەۆاكۋاتسيالانادى.
جاياۋ جۇرگىنشىلەر كولىك قۇرالىنىڭ تولىق توقتاعانىنا كوز جەتكىزىپ, بەلگىلەنگەن ورىنداردا ءجۇرىس بولىگىنەن ءوتۋى كەرەك.