ەلدىڭ وركەندەپ, دامۋى ءۇشىن ونەرتاپقىشتاردىڭ, تەحنيكالىق مامانداردىڭ تىنباي ەڭبەك ەتۋى كەرەك. ول تۋرالى وتكەندە عانا پرەزيدەنت ءسوز ەتكەن. ال جۋىقتا سەمەيدەگى فيزيكا-ماتەماتيكا باعىتىنداعى نازارباەۆ زياتكەرلىك مەكتەبىنىڭ 8-سىنىپ وقۋشىلارى ەكى باعىتتا عىلىمي زەرتتەۋ جۇرگىزىپ, جاڭالىق اشتى.
كىشكەنتاي ونەرتاپقىشتار جۇمىستارىنا ءبىر جىل ۋاقىت جۇمساعان. مىسالى, ءامينا تۇرسىنعاليەۆا مەن رادا كەنچەنباەۆالاردىڭ «قاراعاي – دەنساۋلىق كەپىلى» اتتى جوباسى مىناۋ ىندەت ورشىگەن زاماندا وتە وزەكتى تاقىرىپ. كۇردەلى جوبانى قولعا العان ولار كادىمگى قاراعايدان دارىلىك پرەپارات دايىنداۋ مۇمكىندىگىن دالەلدەدى. بال, قانت, سپيرت قوسىلعان قاراعاي بۇرلەرىنەن ەمدىك سيروپتار جاساپ كوردى. جاساعان دارىلىك شىرىندارى جوعارعى تىنىس الۋ جولدارى اۋرۋلارىنىڭ الدىن الۋعا پايدالى دەسەدى. سونداي-اق يممۋنيتەتتى كۇشەيتەدى. ءدال وسى عىلىمي جۇمىستا قاراعاي شايىرىن الۋدىڭ ءتيىمدى جولدارى دا كورسەتىلگەن. شايىردىڭ ءوزى مىڭ دا ءبىر اۋرۋعا ەم. مەديتسينا تىلىمەن ايتساق, اۋىز قۋىسىنىڭ اۋرۋلارىنا قارسى فيتونتسيد بولىپ ەسەپتەلەدى ەكەن. زياندى ميكرواعزالاردىڭ ءوسۋىن توقتاتىپ, بارىن ولتىرەدى.
– وقۋشىلارىمىز جاساپ جاتقان دارىلىك شىرىنداردىڭ قۇرامىنا ۇقساس دارىلەر نارىقتا ساتىلىمدا بار. بىزدىكى سەرتيفيكاتتالماعان دەگەنى بولماسا, دارىلىك قاسيەتى زور. شاكىرتتەرىمىز الداعى ۋاقىتتا ەمدەيتىن اروماتەراپيالىق شامدار جاساۋدى ويلاستىرىپ جاتىر, – دەيدى عىلىمي جەتەكشىلەردىڭ ءبىرى البينا يشمۋحامەتوۆا.
ال دارحان پوەزقانوۆ پەن ارۋجان ماحامبەتوۆالاردىڭ «كارتوپتىڭ ونىمدىلىگىنە تىڭايتقىشتىڭ اسەرى» تاقىرىبىنداعى جوبا سەمەيدە بۇرىن-سوڭدى قولعا الىنباعان.
– كارتوپ ونىمدىلىگىن ارتتىرۋ ماقساتىندا جۇمىس ىستەگەن وقۋشىلارىمىز دا از تەر توكپەدى. زەرتتەۋ جۇمىسى ءۇشىن جۇمىرتقا قابىعى, اعاش ك ۇلى, كوڭ جانە پياز قابىعى سىندى تۇرمىستاعى ورگانيكالىق جانە بەيورگانيكالىق زاتتاردى قولداندى. زەرتتەۋ كەزىندە اعاش ك ۇلى مەن جۇمىرتقا قابىعىنىڭ ارتىقشىلىعى بايقالدى. ويتكەنى وسى تىڭايتقىشتار قوسىلعان كارتوپ تۇيىندەرىنىڭ سالماعى اناعۇرلىم ارتىق بولدى, – دەيدى جەتەكشىلەرى اينۇر سادىقوۆا.
ءسۇيىنشىلى جاڭالىق, ونەرتاپقىش وقۋشىلار وسى ەڭبەكتەرىمەن ۆilim-orkenieti ۇلتتىق يننوۆاتسيالىق عىلىمي زەرتتەۋ ورتالىعى ۇيىمداستىرعان رەسپۋبليكالىق «ۇزدىك عىلىمي جوبا اۆتورى» بايقاۋىنىڭ جەڭىمپازى اتاندى. جاس زەرتتەۋشىلەرگە ءى دارەجەلى ديپلوم, كۋالىك, توسبەلگى تابىستالىپ, ەڭبەكتەرى ماتەريالدار جيناعىنا ەنگىزىلدى.
شىعىس قازاقستان وبلىسى