14-15 اقپان ارالىعىندا اقمولا وبلىسىنىڭ جىلىتۋ پۋنكتتەرىنە 116 ادام ەۆاكۋاتسيالاندى, ونىڭ ىشىندە 14 بالا جانە ءبىر جاسقا دا تولماعان نارەستە بار, دەپ حابارلايدى Egemen.kz وبلىستىق تجد ءباسپاسوز قىزمەتىنە سىلتەمە جاساپ.
اقمولا وبلىسى اۋماعىنداعى رەسپۋبليكالىق جانە 17 وبلىستىق ماڭىزى بار اۆتوجولداردىڭ 11 ۋچاسكەسىندەگى اۆتوجولدارداعى قيىن جاعدايعا بايلانىستى بارلىق اۆتوكولىك تۇرلەرى ءۇشىن قوزعالىس جابىلدى.
جول-كولىك وقيعالارىن بولدىرماۋ ءۇشىن پوليتسيا دەپارتامەنتىنىڭ, تجد جانە جول قىزمەتتەرىنىڭ كۇشىمەن ءۇش اۆتوكولوننا – 148 جەڭىل جانە 13 جۇك اۆتوماشيناسى قۇراستىرىلىپ, سۇيەمەلدەندى.
«رەسپۋبليكالىق ماڭىزى بار اۆتوجولداردىڭ جابىق ۋچاسكەلەرىندەگى بلوكپوستتاردان تجد كۇشىمەن جىلىتۋ پۋنكتتەرىنە 116 ادام ورنالاستىرىلدى, ونىڭ ىشىندە 14 بالا بار. ماسەلەن, تەك جاقسى اۋدانىندا 69 ادام ەۆاكۋاتسيالاندى, ونىڭ ىشىندە 14 بالا, اتباسار اۋدانىندا – 37 ادام, بۋراباي اۋدانىندا – 5 ادام, ونىڭ ىشىندە 2 بالا, ءبىرجان سال اۋدانىندا – 4 ادام جانە ەسىل اۋدانىندا – 1 ادام. جەرگىلىكتى اتقارۋشى ورگاندار ىستىق تاماق ۇيىمداستىردى», دەدى اقمولا وبلىسى تجد توتەنشە جاعدايلاردى جويۋ باسقارماسىنىڭ باستىعى ولەگ ماليۋك.
وبلىستىڭ اۆتوجولدارىندا شۇعىل مەديتسينالىق كومەك كورسەتۋ ماقساتىندا ارشالى, بۇلاندى جانە جاقسى اۋداندارىندا ءۇش تراسسالىق مەديتسينالىق-قۇتقارۋ پۋنكتى جۇمىس ىستەيدى.
قۇتقارۋشىلاردىڭ ايتۋىنشا, قىسقى كەزەڭدەگى تج-عا جەدەل ارەكەت ەتۋ ءۇشىن جەكە قۇرامنىڭ 370 ادامى جانە وتىمدىلىگى جوعارى ءشاسسيى بار 76 اۆتوموبيل دايىندالعان, ولار توتەنشە جاعدايلارعا بارىنشا بەيىمدىلىكتى ەسكەرە وتىرىپ بولىمشەلەر بويىنشا بولىنگەن.