ەكىنشى ورتا سالماقتاعى بۇرىنعى الەم چەمپيونى, امەريكالىق بوكسشى داۆيد بەناۆيدەس ۇلىبريتانيالىق پروموۋتەر ەددي حيرننەن امەريكالىق دەمەتريۋس اندرادەگە قارسى جەكپە-جەك ۇيىمداستىرۋدى ءوتىندى, دەپ حابارلايدى Egemen.kz Vringe.com-عا سىلتەمە جاساپ.
«جاقىندا مەن داۆيد لەمەگە قارسى شارشى الاڭعا شىعامىن. ارينە, ەرتەرەك ەشتەڭە ايتۋعا بولمايدى. ويتكەنى داۆيد لەمە جاقسى قارسىلاس ەكەنى راس. جەڭىسكە جەتكەن جاعدايدا دەمەتريۋس اندرادەمەن كەزدەسكىم كەلەدى. ول ەكىنشى ورتا سالماققا كوتەرىلگەنىن بىلەمىن. ولاي بولسا وسى كەزدەسۋدى ۇيىمداستىرايىق, ەددي. جانكۇيەرلەر ءۇشىن قىزىق جەكپە-جەك بولاتىنى ءسوزسىز», دەدى اقش بوكسشىسى ءوز ويىن تۇيىندەپ.