تاياۋدا وبلىس ورتالىعىنداعى قاجىمۇقان اتىنداعى №3 وبلىستىق وليمپيادالىق رەزەرۆتىڭ مامانداندىرىلعان بالالار مەن جاسوسپىرىمدەر مەكتەبىنىڭ سپورتشىلارى قارتتارعا كىتاپ سىيلادى.
بۇل قارتتار كوكشەتاۋ قالاسىنداعى پانسيوناتتا تۇرىپ جاتىر. كەيبىرەۋىنە دەنساۋلىعىنا بايلانىستى قارعا ادىم جەردىڭ ءوزى مۇڭ. ونىڭ ۇستىنە قىزىل ايماقتاعى ءوڭىردى جامان تۇماۋ بۋىپ تۇر. جالعىزباستى جانداردىڭ جان سەرىگى – وي. ەندىگى جەردە كوڭىلى قالاعان كىتاپپەن سىرلاسۋدىڭ رەتى كەلىپ-اق قالدى. بۇرىن دا قاريالار ادەبي كىتاپتى كوپ وقيتىن. جانعا داۋا ىزدەيتىن, سىرلاساتىن. اراگىدىك وزدەرى ءتارىزدى قامكوڭىلدى كەيىپكەرلەر دە كەزدەسىپ قالادى. ۇقساس تاعدىرلاردىڭ ورىستەۋى شىعارمادا جاقسى اياقتالسا, كوڭىلدەرىن دەمدەيدى. انشەيىن ەرمەك ەمەس, كول-كوسىر رۋحاني بايلىق.
– ءبىز سىيلاعان كىتاپتاردىڭ اراسىندا وقىرماندار تاراپىنان سۇرانىسقا يە ادەبي تۋىندىلار بار. سونداي-اق تاريحي تاقىرىپتاعى روماندار دا, جىر جيناقتارى دا ۇلكەندەرگە قاجەت بولىپ قالۋى ابدەن مۇمكىن, – دەيدى مەكتەپ ديرەكتورى, بەلگىلى بوكسشى رۋسلان مۋسينوۆ.
جىلى ءجۇزدى جۇزدەسۋ بارىسىندا پانسيونات ديرەكتورى ەلەنا كرەمەنەتسكايا سپورتشىلارعا اق العىسىن ءبىلدىردى. ۇلكەننىڭ العىسىن العانعا نە جەتسىن, شىركىن؟!
كوكشەتاۋ