قازاقستان پرەزيدەنتى قاسىم-جومارت توقاەۆ پەن تۇرىكمەنستان پرەزيدەنتى گۋربانگۋلى بەردىمۇحامەدوۆ ەكى جاقتى قارىم-قاتىناستاردى ودان ءارى نىعايتۋدىڭ پەرسپەكتيۆالارىن تالقىلادى, دەپ حابارلايدى Egemen.kz اقوردانىڭ رەسمي سايتىنا سىلتەمە جاساپ.
قاسىم-جومارت توقاەۆ گۋربانگۋلى بەردىمۇحامەدوۆ ەكى جاقتى قارىم-قاتىناستاردى ودان ءارى نىعايتۋدىڭ پەرسپەكتيۆالارىن, ونىڭ ىشىندە قازاقستان پرەزيدەنتىنىڭ بىلتىرعى قازان ايىندا اشحابادقا جاساعان مەملەكەتتىك ساپارىنىڭ قورىتىندىسى بويىنشا قول جەتكىزىلگەن ۋاعدالاستىقتاردىڭ ىسكە اسىرىلۋ بارىسىن تالقىلادى.
پرەزيدەنتتەر ءوزارا ساۋدا-ساتتىق كولەمىنىڭ ارتقانىنا, ەنەرگەتيكا, كولىك, ونەركاسىپ جانە اۋىل شارۋاشىلىعى سالالارىنداعى ىنتىماقتاستىقتىڭ جاندانعانىنا كوڭىلدەرى تولاتىنىن تىلگە تيەك ەتتى. اڭگىمە بارىسىندا قوس ەلدىڭ پرەزيدەنتتەرى باۋىرلاس ەكى ەل اراسىنداعى ساۋدا-ەكونوميكالىق, ينۆەستيتسيالىق جانە مادەني-گۋمانيتارلىق بايلانىستاردى ودان ءارى كەڭەيتۋ نيەتتەرىن جەتكىزدى.
سونداي-اق, اڭگىمە بارىسىندا قاسىم-جومارت توقاەۆ گۋربانگۋلى بەردىمۇحامەدوۆتىڭ كەزەكتەن تىس پرەزيدەنت سايلاۋىن وتكىزۋ جونىندەگى شەشىمىن قولدايتىنىن مالىمدەدى.