وقيعا 11 اقپان كۇنى ءتۇس اۋا حاتلون وبلىسى ابدۋراحموني دجومي اۋدانىنداعى ۆاحدات اۋىلىنداعى №31 مەكتەپتە وقۋ پروتسەسى كەزىندە بولعان, دەپ حابارلايدى Egemen.kz.
«شاتىردىڭ ءبىر بولىگى وپىرىلىپ, عيماراتتىڭ قابىرعالارى قيراي باستادى», دەپ جازىلعان Asia-Plus تاراتقان حابارلامادا.
«جۇما كۇنى ساعات بەستەر شاماسىندا 7 سىنىپ وقۋشىلارى سىنىپتاعى قابىرعادان سىلاقتىڭ قالاي قۇلاي باستاعانىن بايقاپ, بۇل تۋرالى مۇعالىمىنە حابارلادى. بىردەن بالالاردى عيماراتتان شىعارا باستادىق. ولاردىڭ ەشقايسىسى زارداپ شەككەن جوق», دەيدى مەكتەپ ديرەكتورى مۇستافو بالاجانوۆ.
ونىڭ ايتۋىنشا, ديرەكتور كابينەتى, ءبىر سىنىپ جانە مۇعالىمدەر بولمەسى قيراپ قالعان.
بۇل مەكتەپ عيماراتى 1957 جىلى پايدالانۋعا بەرىلگەن.
عيماراتتىڭ قيراندىلارىن شىعارۋدى قاداعالاعان دجومي اۋدانىنىڭ ءبىلىم ءبولىمىنىڭ باسشىسى حاسان تاباروۆ عيماراتتىڭ شىنىمەن اپاتتى جاعدايدا ەكەنىن, ونى بۇزاتىندارىن ايتتى.
الايدا مەكتەپ ديرەكتورى دا, اۋدان باسشىسى دا بالالاردىڭ اپاتتى عيماراتتا نەلىكتەن وقۋىن جالعاستىرعانىن تۇسىندىرمەدى.