«بولاشاق» باعدارلاماسىندا «ادەبيەت» سالاسى بويىنشا ماماندىقتار سانى كوبەيەدى

«بولاشاق» حالىقارالىق ستيپەندياسى اياسىندا كادرلار دايارلاۋ ەڭبەك نارىعىنا قاجەتتىلىكتەرىنىڭ ورتا مەرزىمدى بولجامىن ەسكەرە وتىرىپ ازىرلەنەتىن باسىم ماماندىقتار تىزبەسىنە سايكەس جۇزەگە اسىرىلادى. حالىقارالىق ستيپەنديا ىسكە اسىرىلعان 28 جىل ىشىندە بارلىعى 130 ستيپەنديا «فيلولوگيا, لينگۆيستيكا, اۋدارما ءىسى» ماماندىقتارى بويىنشا تاعايىندالعان. ونىڭ ىشىندە 10 ستيپەنديا «اعىلشىن ءتىلى جانە ادەبيەتى», «اعىلشىن ادەبيەتى», ء«تىل جانە ادەبي ءبىلىم», ء«تىل جانە مەديا», «زاماناۋي تىلدەر مەن ادەبيەت» ماماندىقتارى بويىنشا بەرىلگەن. ال سوڭعى بەس جىل ارالىعىندا «فيلولوگيا, لينگۆيستيكا, اۋدارما ءىسى» ماماندىقتارى بويىنشا 26 ستيپەنديا (باكالاۆريات – 1, ماگيستراتۋرا – 11, دوكتورانتۋرا – 6, تاعىلىمداما – 8 ستيپەنديا) تاعايىندالعان: ونىڭ بىرەۋى - «اعىلشىن ادەبيەتى» ماماندىعى بويىنشا», دەپ اتاپ وتەدى ەرالى توعجانوۆ جاۋابىندا.

ۆيتسە-پرەمەر دەرەگىنشە, قازىرگى تاڭدا ولاردىڭ ىشىنەن 17-ءcى وقۋىن اياقتادى, 9 ستيپەنديات ءبىلىم الۋ ۇستىندە. جالپى, تىزبەگە پوەزيا مەن پروزا, اۋدارما مەن ادەبي سىن, دراماتۋرگيا مەن سىني ويلاۋ سياقتى ادەبيەتكە قاتىستى پاندەردىڭ باعىتىنداعى ماگيستر مەن دوكتور دارەجەسىن الەمنىڭ ۇزدىك ۋنيۆەرسيتەتتەرىندە ءبىلىم الۋعا باعىتتالعان ماماندىقتار ەنگىزىلگەن.

ونىڭ ىشىندە ء«تىل ءبىلىمى جانە ادەبيەت», ء«تىل, ادەبيەت جانە مادەنيەت», «ادەبي ءتىل ءبىلىمى», «ەجەلگى جانە قازىرگى تىلدەر مەن ادەبيەت», «قازىرگى زامان ادەبيەتى», «سالىستىرمالى ادەبيەت مەن مادەنيەت», «بالالار ادەبيەتى», «اعىلشىن ادەبيەتى», «كلاسسيكالىق تىلدەر مەن ادەبيەت», «الەم ادەبيەتى اعىلشىن تىلىندە», «سالىستىرمالى ادەبيەت جانە سىني اۋدارما», «جاھان ادەبيەتى مەن مادەنيەتى», «اعىلشىن ءتىلى جانە سالىستىرمالى ادەبيەتتانۋ», «يسپان ءتىلى جانە ادەبيەتى», «گرەك/لاتىن تىلدەرى مەن ادەبيەتى», «فرانتسۋز ءتىلى جانە ادەبيەتى», «نەمىس ءتىلى جانە ادەبيەتى», «لاتىن امەريكا ادەبيەتى», «فرانتسۋز جانە رومان تىلدەرى مەن ادەبيەتتەرى», «اعىلشىن ادەبيەتى: ادەبيەت جانە قوعام: اعارتۋشىلىق, رومانتيزم», «اعىلشىن ادەبيەتى: ادەبيەت جانە قازىرگى زامان: 1900 جىلدان قازىرگى ۋاقىتقا دەيىن», «اعىلشىن ادەبيەتى جانە امەريكاتانۋ», «جازبا ونەرى جانە باسىلىم», «درامالىق جازۋ», «ادەبيەت جانە كينو», «درامالىق ادەبيەت, تەاتر تاريحى جانە كينو» تىزبەدە ماماندىقتار قامتىلعان.

«دەپۋتاتتىق ساۋالدا كورسەتىلگەن ۇسىنىستار ەسكەرىلە وتىرىپ, تىزبەدەگى «ادەبيەت» اتالىمى بويىنشا ماماندىقتار سانىن كوبەيتۋگە نازار اۋدارىلاتىن بولادى. سونىمەن قاتار, جالپى «بولاشاق» باعدارلاماسى اياسىندا ادەبيەت ماماندىعى بويىنشا ءبىلىم الاتىن تۇلەكتەر سانى ۇمىتكەرلەردىڭ وسى ماماندىققا قىزىعۋشىلىعىنا تىكەلەي بايلانىستى ەكەندىگىن ەسكەرۋ قاجەت. بۇل رەتتە قازاقستان جازۋشىلار وداعى وسى ماماندىقتار بويىنشا ىرىكتەپ ۇسىنعان تالانتتى قالامگەرلەردىڭ كانديداتۋرالارى زەرتتەلەدى جانە قولدانىستاعى «بولاشاق» حالىقارالىق ستيپەندياسىن تاعايىنداۋ ءۇشىن ۇمىتكەرلەردى ىرىكتەۋ قاعيدالارىنا كونكۋرستىق نەگىزدە قاراستىرىلادى», دەدى ە.توعجانوۆ.