پرەمەر-ءمينيستردىڭ ءبىرىنشى ورىنباسارى رومان سكليار تۇرىكمەنستان پرەزيدەنتى گۋربانگۋلى بەردىمۇحامەدوۆپەن كەزدەستى, دەپ حابارلايدى Egemen.kz primeminister.kz-كە سىلتەمە جاساپ.
12 اقپان كۇنى پرەمەر-ءمينيستردىڭ ءبىرىنشى ورىنباسارى رومان سكليار اشحابادقا جۇمىس ساپارىمەن بارىپ, تۇركىمەنستان پرەزيدەنتى گۋربانگۋلى بەردىمۇحامەدوۆپەن كەلىسسوز جۇرگىزدى. تۇرىكمەنستان باسشىسىمەن كەزدەسۋ بارىسىندا ەكى ەل اراسىنداعى ساۋدا-ەكونوميكالىق, ەنەرگەتيكا, اۋىل شارۋاشىلىعى جانە مادەني-گۋمانيتارلىق سالالارداعى ىنتىماقتاستىقتىڭ وزەكتى ماسەلەلەرى تالقىلاندى. قازاقستان رەسپۋبليكاسىنىڭ پرەزيدەنتى قاسىم-جومارت توقاەۆتىڭ 2021 جىلعى 24-25 قازانداعى تۇركىمەنستانعا مەملەكەتتىك ساپارى بارىسىندا قول جەتكىزىلگەن ۋاعدالاستىقتاردى ىسكە اسىرۋعا ەرەكشە نازار اۋدارىلدى. سونىمەن قاتار ساپار بارىسىندا رومان سكليار تۇركىمەنستان مينيسترلەر كابينەتى توراعاسىنىڭ ورىنباسارلارى سەردار بەردىمۇحامەدوۆ, شاحىم ابدراحمانوۆ جانە چارى گىلىدجوۆپەن جەكە كەلىسسوزدەر جۇرگىزدى, سونداي-اق ەكونوميكالىق ىنتىماقتاستىقتى ودان ءارى تەرەڭدەتۋ بويىنشا پراكتيكالىق شارالار جان-جاقتى قاراستىرىلدى