بىرقاتار قىلمىستىق توپ باسشىلارى مەن قاتىسۋشىلارى جاپپاي تارتىپسىزدىكتى ۇيىمداستىرۋعا قاتىسۋىنا بايلانىستى جاۋاپقا تارتىلۋدا, دەپ حابارلايدى Egemen.kz Polisia.kz سايتىنا سىلتەمە جاساپ.
قاڭتار ايىنداعى وقيعالاردان كەيىن ءىىم كريمينالدىق پوليتسيا دەپارتامەنتىنىڭ قىزمەتكەرلەرى اۋماقتىق بولىمشەلەردىڭ قاتىسۋىمەن نۇر-سۇلتان, الماتى, اقتوبە, وسكەمەن جانە قىزىلوردا قالالارىندا جۇرگىزىلگەن جەدەل-ىزدەستىرۋ ءىس-شارالارى بارىسىندا 4-7 قاڭتاردا جاپپاي تارتىپسىزدىكتى ۇيىمداستىرۋعا قاتىسى بار بىرقاتار قىلمىستىق توپتاردىڭ باسشىلارى مەن ۇيىمداسقان قىلمىستىق توپتاردىڭ قاتىسۋشىلارىن ۇستادى جانە جاۋاپكەرشىلىككە تارتتى.
جۇرگىزىلگەن ارنايى وپەراتسيالاردىڭ ناتيجەسىندە ۇستالعانداردان ەكى «كالاشنيكوۆ» اۆتوماتى, ءتورت «پم» تاپانشاسى, ءتورت «گلوك» تاپانشاسى, رەۆولۆەر, «تت» تاپانشاسى, پومپالىق مىلتىق, اۆتوماتتى مىلتىق, «سايگا-410» تەگىس ۇڭعىلى كارابينى, «وسا» تراۆماتيكالىق تاپانشاسى, رگد-5 گراناتى جانە ءارتۇرلى كاليبرلى 130 بىرلىكتەن استام وق-دارىلەر تاركىلەندى.
بارلىق ۇستالعاندارعا قاتىستى «كۇزەتپەن ۇستاۋ» بۇلتارتپاۋ شاراسى تاڭدالدى.
سوتقا دەيىنگى تەرگەۋ امالدارى ءجۇرىپ جاتىر.