ءلاززات قالتاەۆا سەنات دەپۋتاتى رەتىندە انت بەردى

«پرەزيدەنتتىڭ جارلىعىمەن قاڭتار ايىندا ءلاززات مولدابەكقىزى سەنات دەپۋتاتى بولىپ تاعايىندالدى. مۇمكىندىگى شەكتەۋلى ازاماتتىڭ پارلامەنتتىڭ دەپۋتاتى بولۋى تاۋەلسىز ەلىمىزدىڭ تاريحىندا العاش رەت ورىن الىپ وتىر. جالپى, مەملەكەت باسشىسى بۇل ساناتتاعى ازاماتتاردىڭ ساياسي ومىرگە بەلسەنە ارالاسۋىنا ۇنەمى باسا ءمان بەرىپ كەلەدى. ءلاززات مولدابەكقىزىنىڭ سەناتور بولۋى سونىڭ ناقتى ناتيجەسى. بۇل - پرەزيدەنتىمىزدىڭ ەلىمىزدى جاڭارتۋ باعدارىنىڭ ىسكە اسۋىنىڭ جارقىن كورىنىسى. مۇنداي قادام الداعى ۋاقىتتا مۇگەدەكتىگى بار ادامداردىڭ ساياسي جانە قوعامدىق ومىردەگى بەلسەندىلىگىن ارتتىرۋعا ىقپال ەتەدى دەپ سەنەمىز», دەدى سەنات توراعاسى ماۋلەن اشىمباەۆ.

وسى ورايدا ول ل. مولدابەكقىزىن كوپشىلىك بەلسەندى قوعام قايراتكەرى رەتىندە جاقسى تانيتىنىن ەسكە سالدى. سەناتتىڭ بۇگىنگى جالپى وتىرىسىندا ل. قالتاەۆا دەپۋتات رەتىندە انت بەردى.

«قازاقستان حالقىنا ادال قىزمەت ەتۋگە, قازاقستان رەسپۋبليكاسىنىڭ تۇتاستىعى مەن تاۋەلسىزدىگىن نىعايتۋعا, ونىڭ كونستيتۋتسياسى مەن زاڭدارىنا قاتاڭ باعىنۋعا, دەپۋتاتتىق وزىمە جۇكتەلگەن مارتەبەلى مىندەتتەرىن ادال اتقارۋعا انت ەتەمىن», دەدى ول.

سونىمەن قاتار بۇگىنگى جالپى وتىرىستا ل. قالتاەۆا سەناتتىڭ الەۋمەتتىك-مادەني دامۋ جانە عىلىم كوميتەتىنىڭ قۇرامىنا سايلىندى.