كونكيمەن جۇگىرۋدەن قازاقستان كومانداسىنىڭ باس باپكەرى دميتري بابەنكو بەيجىڭدەگى وليمپيادا ويىندارىندا سىنعا تۇسكەن دميتري موروزوۆتىڭ كورسەتكىشىنە باعا بەردى. موروزوۆ 8 اقپان كۇنى 1500 مەترگە جارىسىپ, 18-ءشى ورىن العان ەدى. بابەنكونىڭ ايتۋىنشا, تۇپكى ناتيجەگە قارسىلاستىڭ اسەرى تيگەن, دەپ حابارلايدى Egemen.kz ۇوك-كە سىلتەمە جاساپ.
«كورسەتكىش ءبىز ويلاعانداي ەمەس. الايدا, ول ءوزىنىڭ ەڭ جاقسى ناتيجەسىن تىركەدى. موروزوۆقا قارسىلاس ءساتسىز ءتۇستى. ول كوبىنە سپرينتكە بەيىم ەكەن. العاشقى مەترلەردە ەكپىن الىپ, قالعان بولىكتەرگە كۇشىن دۇرىس جۇمساۋ ماڭىزدى ەدى. سوندىقتان, دميتري جولاققا شىققاندا كەدەرگى كەلتىرمەس ءۇشىن, العاشقى 300 مەتردە بارىن سالدى.
مۇنىڭ اسەرى ءتيدى. ءارى قاراي بەيىمدەلۋ قيىن بولدى. سول سەبەپتى, سوڭعى اينالىم وعان وتە اۋىر سوقتى. ەگەر قارسىلاسى ىڭعايلى بولعاندا, ءدميتريدىڭ ناتيجەسى دە جاقسى بولار ما ەدى؟
ءوزىنىڭ العاشقى وليمپياداسى ءۇشىن ول جاقسى ونەر كورسەتتى», دەيدى باس باپكەر.