شۆەتسيانىڭ PriceRunner تاۋەلسىز ونىمدەر مەن باعالاردى سالىستىرۋ قىزمەتى Google كورپوراتسياسىن سوتقا بەرىپ, 2,4 ميلليارد دوللار تالاپ ەتىپ وتىر, دەپ حابارلايدى Egemen.kz.
باعانى سالىستىرۋ قىزمەتى Google-ءدى مونوپولياعا قارسى زاڭنامانى بۇزدى دەپ ايىپتايدى. PriceRunner Google ىزدەۋ الگوريتمدەرىن باسقارىپ, باسەكەلەستەرگە زيان كەلتىرەتىن تاۋارلاردىڭ باعالارىن سالىستىرۋ قىزمەتىن العا تارتتى دەپ مالىمدەيدى.
ەندى شۆەد كومپانياسى ۇلىبريتانيادان 2008 جىلدان باستاپ, شۆەتسيا مەن دانيادان 2013 جىلدان باستاپ الاتىن پايداسى ءۇشىن وتەماقى تولەۋدى تالاپ ەتۋدە.
«ولار ءالى دە نارىقتى تەرىس پايدالانۋدا. ەشتەڭە وزگەرگەن جوق», دەدى PriceRunner كومپانياسىنىڭ اتقارۋشى ديرەكتورى ميكاەل ليندال.
Google وكىلى كومپانيا سوتتا قورعانۋعا بەكىنىپ وتىرعانىن ايتتى.
بۇعان دەيىن فرانتسيانىڭ مونوپولياعا قارسى رەتتەۋشىسى Google كومپانياسىنا ونلاين-جارناما سەكتورىندا ءوز قىزمەتتەرىن ىلگەرىلەتكەنى ءۇشىن 220 ميلليون ەۋرو ايىپپۇل سالعان بولاتىن.