جەتى وبلىستا داۋىلدى ەسكەرتۋ جاريالاندى

8 اقپاندا اقمولا وبلىسىنىڭ باتىسى مەن وڭتۇستىگىندە بوران سوعادى. وڭتۇستىك-باتىستان وڭتۇستىك-شىعىسقا اۋىسىپ, وبلىستىڭ باتىسىندا 15-20 م/س جىلدامدىقپەن جەل سوعادى.

8-9 اقپاندا جامبىل وبلىسىنىڭ سولتۇستىك-شىعىسىندا, وڭتۇستىك-باتىسىندا, تاۋلى اۋداندارىندا تۇمان, كوكتايعاق كۇتىلەدى. سولتۇستىك-شىعىستان, وبلىستىڭ سولتۇستىك-شىعىسىندا جانە تاۋلى اۋدانداردا 15-20 م/س جەل تۇرادى.

8 اقپان كۇنى باتىس قازاقستان وبلىسىنىڭ سولتۇستىگىندە تۇمان تۇسەدى. ورالدا تۇندە جانە تاڭەرتەڭ تۇمان تۇسەدى.

قوستاناي وبلىسىنىڭ سولتۇستىگىندە تۇمان تۇسەدى. وبلىستىڭ وڭتۇستىگىندە بوران سوعادى. وڭتۇستىكتەن, وڭتۇستىك-شىعىستان سوققان جەل وبلىستىڭ وڭتۇستىگىندە 15-20 م/س دەيىن جەتەدى.

قىزىلوردا وبلىسىنىڭ ورتالىعىندا كوكتايعاق, تۇمان كۇتىلەدى. قىزىلوردادا تۇمان تۇسەدى. تۇركىستان وبلىسىنىڭ وڭتۇستىگىندە, باتىسىندا, تاۋلى جانە تاۋ بوكتەرىندە تۇمان ءتۇسىپ, كوكتايعاق بولادى.

شىمكەنتتە تۇمان ءتۇسىپ, كوكتايعاق بولادى.

تۇركىستاندا تۇندە جانە تاڭەرتەڭ تۇمان ءتۇسىپ, كوكتايعاق بولادى.