ارالاس جەكپە-جەك الەمىندەگى ەڭ بەدەلدى ۇيىم سانالاتىن UFC-دە ءۇش كەزدەسۋ وتكىزىپ, بارلىعىندا قارسىلاستارىن جەدەل جەڭگەن وتانداسىمىز شاۆكات راحمونوۆ اۋەسقويلار ليگاسىنداعى ەكى جەڭىلىسى تۋرالى ايتتى, دەپ حابارلايدى Egemen.kz Sport-express.ru-عا سىلتەمە جاساپ.
«رەسەيلىك گادجيمۋرات حيراماگومەدوۆكە اۋەسقويلار اراسىنداعى دودالاردا تورەشىلەردىڭ شەشىمىمەن ەكى مارتە ەسە جىبەرگەن بولاتىنمىن. ول كەزدەسۋلەردە رەسەيلىك سپورتشى ەركىن كۇرەستىڭ ارقاسىندا مەنەن باسىم ءتۇستى. ال تىك تۇرىپ جۇدىرىقتاسقان كەزدە تۇك تىندىرا الماعان ەدى. اۋەسقويلار اراسىنداعى جارىستىڭ دەڭگەيى بولەك. قازىرگى تاڭدا ول قايدا, مەن قايدامىن؟ ەكەۋمىز ەكى الەمدە ءجۇرمىز», دەدى شاۆكات يۋتۋب-ارنالاردىڭ بىرىنە بەرگەن سۇحباتىندا.