ۋفا قالاسىندا «سالاۆات يۋلاەۆ» كومانداسى قۇرلىقتىق حوككەي ليگاسىنىڭ سوڭعى كەزدەسۋىندە «تورپەدو» (نيجەگورود) كلۋبىن 2:1 ەسەبىمەن ۇتىپ, گاگارين كۋبوگىنىڭ شيرەك فينالىندا استانانىڭ «بارىس» حوككەيشىلەرىنىڭ قارسىلاسى بولىپ انىقتالدى. ال «سالاۆات يۋلاەۆ» پەن «تورپەدو» كوماندالارىنىڭ اراسىنداعى جالپى ەسەپ 4:3 بولىپ تىركەلدى. بۇل تۋرالى «بارىس» حك حابارلادى.
ەندى «بارىس» پەن باشقۇرتستان كلۋبىنىڭ اراسىنداعى العاشقى ويىندار استانادا 21-22 ناۋرىز كۇندەرى وتەدى. بۇل كوماندالار قۇرلىقتىق حوككەي ليگاسى اياسىندا 18 رەت كەزدەستى. ول بويىنشا جەتى ويىندا «بارىس», ال ويىننىڭ 11-ءشى كەزەگىندە «سالاۆات يۋلاەۆ» جەڭىسكە جەتتى. سونداي-اق, ولار بيىلعى ماۋسىمدا ەكى ويىن وتكىزگەن بولاتىن. استانادا «بارىس» قارسىلاسىن 3:2 ەسەبىمەن ۇتتى. ۋفادا «سالاۆات يۋلاەۆ» ءبىزدىڭ حوككەيشىلەردەن 6:3 ەسەبىمەن باسىم ءتۇستى.
داستان كەنجالين.
دەرەككوز: www.hc.barys.kz.
فوتو: www.hc.barys.kz