قىزىلوردا وبلىسىنىڭ سىبايلاس جەمقورلىققا قارسى قىزمەتىنىڭ باسشىسى تاعايىندالدى

قر سىبايلاس جەمقورلىققا قارسى ءىس-قيمىل اگەنتتىگىنىڭ اپپارات باسشىسى قۋانىش جاپاقوۆ قىزىلوردا وبلىسى بويىنشا دەپارتامەنتتىڭ جاڭا باسشىسى رۇستەم اقمىرزاەۆتى تانىستىردى.

وبلىس اكىمى گۇلشارا ابدىقالىقوۆا رۇستەم اقمىرزاەۆقا تابىس تىلەپ, سىبايلاس جەمقورلىقتىڭ الدىن الۋ جونىندەگى ورگاندارمەن بەلسەندى جۇمىس ىستەپ جاتقانىن اتاپ ءوتتى.

رۇستەم اقمىرزاەۆ 1978 جىلى قىزىلوردا وبلىسىندا دۇنيەگە كەلگەن. ىشكى ىستەر مينيسترلىگىنىڭ قاراعاندى جوعارى مەكتەبىن «قۇقىقتانۋ» ماماندىعى بويىنشا بىتىرگەن.

ەڭبەك جولىن 1999 جىلى سالىق پوليتسياسى ورگاندارىندا باستادى.

2001 جىلدان 2018 جىلعا دەيىن قارجى پوليتسياسى جانە سىبايلاس جەمقورلىققا قارسى قىزمەت ورگاندارىندا ءارتۇرلى لاۋازىمداردا جۇمىس ىستەدى.

اتاپ ايتقاندا, اقتوبە, شىعىس قازاقستان جانە قاراعاندى وبلىستارى بويىنشا سىبايلاس جەمقورلىققا قارسى قىزمەت دەپارتامەنتى باسشىسىنىڭ ورىنباسارى لاۋازىمىن اتقاردى.

2018 جىلدان باستاپ قازىرگى ۋاقىتقا دەيىن باتىس قازاقستان وبلىسى بويىنشا دەپارتامەنت باسشىسى بولىپ جۇمىس ىستەگەن.