قر پرەزيدەنتىنىڭ باعا بويىنشا ءسوز بايلاسقان شاعىن كاسىپكەرلىك نىساندارىن تەكسەرۋگە مۇمكىندىك بەرەتىن جارلىعىنا تولىقتىرۋ ەنگىزىلدى, دەپ جازادى Egemen.kz.
«قازاقستان رەسپۋبليكاسىندا تەكسەرۋلەرگە جانە پروفيلاكتيكالىق باقىلاۋ مەن قاداعالاۋدى بارىپ جۇرگىزۋگە موراتوري ەنگىزۋ تۋرالى» قر پرەزيدەنتىنىڭ 2019 جىلعى 26 جەلتوقسانداعى №229 جارلىعىنا مىناداي تولىقتىرۋ ەنگىزىلسىن», دەلىنگەن جارلىقتا.
اتاپ ايقاندا, قۇجاتتىڭ 1-تارماعى 13) تارماقشامەن تولىقتىرىلدى.
بۇل تارماقتا شاعىن كاسىپكەرلىك سۋبەكتىلەرىن, ونىڭ ىشىندە ميكروكاسىپكەرلىك سۋبەكتىلەرىن تەكسەرۋلەردى جانە پروفيلاكتيكالىق باقىلاۋ مەن قاداعالاۋدى بارىپ جۇرگىزۋگە جاريالانعان ءموراتوريدىڭ كۇشى جۇرمەيتىن جاعدايلاردىڭ تىزبەسى بەرىلگەن. وسى تىزبەگە 13) تارماقشا ارقىلى «ارەكەتتەرىندە كارتەل بەلگىلەرى بايقالاتىن مەملەكەتتىك ساتىپ الۋعا قاتىسۋشىلارعا قاتىستى قازاقستان رەسپۋبليكاسىنىڭ باسەكەلەستىكتى قورعاۋ سالاسىنداعى زاڭناماسى تالاپتارىنىڭ ساقتالۋىن تەكسەرۋلەر» كىرىپ وتىر.
قۇجاتتىڭ تولىق ءماتىنىن مىنا جەردەن كورۋگە بولادى.