دەۆيس كۋبوگى ىرىكتەۋ سايىسىندا 4-5 ناۋرىز كۇندەرى نورۆەگيامەن وتەتىن ماتچقا قاتىساتىن قازاقستان قۇراماسى جاريالاندى, دەپ حابارلايدى Egemen.kz.
قازاقستان تەننيس فەدەراتسياسى ءمالىم ەتكەنىندەي, يۋري ششۋكين باستاعان باپكەرلىك قۇرام مىنا ويىنشىلارعا توقتادى. جەكەلەي سىندا قازاقستاننىڭ ءبىرىنشى, الەمنىڭ 35-راكەتكاسى الەكساندر بۋبليك, رەيتينگتە سايكەسىنشە 166-ىنشى جانە 180-ورىندا تۇرعان ميحايل كۋكۋشكين مەن دميتري پوپكو ەل نامىسىن قورعايدى.
جۇپتىق سىندا الەمنىڭ 35-راكەتكاسى اندرەي گولۋبەۆ پەن الەكساندر نەدوۆەسوۆ (67-ورىن) كورتقا شىعادى. ويىندار وسلوداعى Oslo Tennis Arena حارد كورتتارىندا بولادى. ماتچ جەڭىمپازى دەۆيس كۋبوگىنىڭ فينالدىق كەزەڭىنە جولداما الادى.
«نورۆەگيا قۇراماسى نەگىزىنەن الەمنىڭ 8-راكەتكاسى كاسپەر رۋد پەن دۇنيەجۇزىلىك رەيتينگتە 332-ورىندا تۇرعان ۆيكتور دۋراسوۆيچقا سەنىم ارتادى. 24 جاستاعى دۋراسوۆيچ كوماندا قۇرامىندا كوپتەن ويناپ كەلەدى, جەكەلەي جانە جۇپتىق سىندا جاقسى ونەر كورسەتە الادى. دەگەنمەن ءبىزدىڭ جىگىتتەر تۇراقتى ويىن ورنەگىن تانىتىپ, كوزدەگەن ماقساتىنا جەتە الادى دەپ ويلايمىن», دەدى قازاقستان قۇراماسىنىڭ كاپيتانى يۋ.ششۋكين.