اتىراۋدا دا كۇندەلىكتى تۇتىناتىن ازىق-ت ۇلىك باعاسى قىمباتتاعانى بايقالادى. باعانىڭ ىرىققا كونبەگەنى – جەرگىلىكتى اكىمدەردى ويلاندىراتىن ماسەلە. وسىعان بايلانىستى مۇنايلى وڭىردە الەۋمەتتىك ماڭىزى بار ازىق-ت ۇلىك تاۋارلارىنىڭ باعاسىن تۇراقتاندىرۋعا 1 ملرد 35 ملن تەڭگە ءبولىندى. بىراق بۇل قارجىنىڭ قايتارىمى بولادى.
«اتىراۋ» الەۋمەتتىك كاسىپكەرلىك كورپوراتسياسى» اق مەملەكەتتىك باعدارلامالاردى ىسكە اسىرۋ دەپارتامەنتىنىڭ ديرەكتورى دميتري ديۋدىڭ مالىمەتىنە سۇيەنسەك, تۇراقتاندىرۋ قورىنىڭ قويماسىندا 216 توننا ازىق-ت ۇلىك, 2 379 توننا اۋىل شارۋاشىلىعى ونىمدەرى بار. الەۋمەتتىك ماڭىزعا يە تاۋارلاردىڭ باعاسىن تۇراقتاندىرۋ ءۇشىن «اتىراۋ» اكك» اق ءتورت ساۋدا جەلىسى مەن تاۋار وندىرۋشىلەرگە اينالىم قاراجاتىن تولىقتىرۋ ءۇشىن 1 ملرد 35 ملن تەڭگە كولەمىندە قارىز بەرىپ وتىر. ەندى كاسىپكەرلەر الدىندا الەۋمەتتىك ماڭىزى بار 19 ءتۇرلى ازىق-ت ۇلىك تاۋارىنىڭ باعاسىن تۇراقتاندىرۋ مىندەتى تۇر.
– «ليدەر» جانە «يدەال» سۋپەرماركەتتەرىنىڭ 39 ساۋدا نۇكتەسىندە ازىق-ت ۇلىك 33 پايىزدىق تومەن باعامەن ساتىلىپ جاتىر. تاۋارلار كۇن سايىن ساۋدا نۇكتەلەرىنە جەتكىزىلەدى. ازىق-ت ۇلىك ونىمدەرى سۋپەرماركەتتەر جەلىسىندە «تۇراقتاندىرۋ قورىنىڭ تاۋارلارى» دەگەن جازۋى بار ارنايى سورەگە ورنالاستىرىلعان. اتىراۋ قالاسىنداعى ءتورت بازاردا اۋىل شارۋاشىلىعى تاۋارلارىنىڭ باعاسى نارىقتاعىدان 63 پايىزعا تومەن. ماسەلەن, ءبىرىنشى سۇرىپتى ۇننان پىسىرىلگەن نان باعاسى – 80-82 تەڭگە. ال سيىردىڭ جاۋىرىن جانە توسسۇيەگى بار ەتى – 1 853, 10 دانا جۇمىرتقا – 360, كارتوپ – 185, پياز – 80, ءسابىز – 145, قىرىققابات – 125, قىزىلشا باعاسى 170 تەڭگە تۇرادى. كوكونىستەر «دينا», «سارايشىق», «ناسيحا» جانە «كوكتەم» بازارلارىندا ساتىلىمعا قويىلدى, – دەپ مالىمدەدى دميتري ديۋ.
اتىراۋ وبلىسى