«قازگيدرومەت» رمق الداعى ءۇش كۇنگە, 3-5 اقپانعا ارنالعان اۋا رايى بولجامىن جاريالادى, دەپ جازادى Egemen.kz.
قازاقستان اۋماعىنىڭ باسىم بولىگى ءسىبىر انتيتسيكلونىنىڭ ىقپالىندا بولادى, سوندىقتان جاۋىن-شاشىنسىز اۋا رايى ساقتالادى. تەك 5 اقپانعا جاقىن سولتۇستىك-باتىس تسيكلونى ەلدىڭ باتىسىنا ءوتىپ, سونىڭ اسەرىنەن جەل تۇرىپ, جاۋىن-شاشىن بولادى. ەلىمىزدىڭ باسىم بولىگىن تۇمان باسادى.
ەلىمىزدىڭ شىعىسىندا, سولتۇستىك-شىعىسىندا جانە ورتالىعىندا تۇنگى جانە تاڭەرتەڭگى ۋاقىتتا 20-30 گرادۋسقا دەيىن اياز بولادى. ال ەلدىڭ وزگە ايماعىندا تەمپەراتۋرانىڭ ەلەۋلى وزگەرىستەرى بايقالمايدى.