قورداعى قاراجات كوبەيدى مە؟

2022 جىلدىڭ 1 قاڭتارىندا قازاقستاننىڭ ۇلتتىق قورىن باس­قارۋ جونىندەگى كەڭەس ماقۇل­داعان باعىتتار شەڭبەرىندە سەنىمگەرلىك باسقارۋشى رەتىندە ۇلتتىق بانك­تىڭ زەينەتاقى اكتيۆتەرىن ينۆەستيتسيالاۋ قىزمەتى بىرنەشە نەگىزگى باعىتتى قۇرادى.

ءبىرىنشى باعىت – قارجى مي­نيستر­لىگى شىعارعان مەملەكەتتىك باعالى قاعازدار. ونىڭ اعىمداعى قۇنى 5 ترلن 104,82 ملرد تەڭگەگە نەمەسە بۇكىل پورتفەلدىڭ 39,13 پايىزىنا تەڭ. ونىڭ تەڭگەدەگى كىرىستىلىگى جىلىنا 9,4 پايىزدى قۇراسا, دوللارعا قاتىستى كىرىستىلىگى 3,4 پايىزعا تەڭ.

ەكىنشى باعىت – شەتەلدەردىڭ مەملەكەتتىك باعالى قاعازدارى. مۇنىڭ كولەمى – 2 ترلن 500,81 ملرد تەڭگە. ونىڭ پورتفەلدەگى ۇلەسى – 19,17 پايىز. بجزق-نىڭ زەينەتاقى اكتيۆتەرى پورتفەلىندەگى شەتەلدەردىڭ مەملەكەتتىك باعالى قاعازدارىنىڭ ورتاشا كىرىستىلىگى جىلىنا 1,2 پايىزعا تەڭ.

ءۇشىنشى باعىت – كۆازيمەم­لەكەتتىك ۇيىمدار وبليگاتسيالارى. اعىمداعى قۇنى – 1 ترلن 670,05 ملرد تەڭگە, پورتفەلدەگى ۇلەسى – 12,80 پايىز. تەڭگەدەگى ورتاشا كىرىستىلىگى جىلىنا 10,8 پايىزدى قۇراسا, دوللارمەن ەسەپتەلەتىن كىرىستىلىگى 5,5 پايىزعا تەڭ.

ءتورتىنشى باعىت – ەكىنشى دەڭگەيلى بانكتەر وبليگاتسيالارى – 1 ترلن 046,62 ملرد تەڭگە نەمەسە 8,02 پايىز. ورتاشا كىرىستىلىك جىلىنا – 10,0 پايىز. 

بجزق-نىڭ زەينەتاقى اكتيۆ­تەرى ەسەبىنەن ساتىپ الىنعان قارجى قۇرالدارىنداعى ۇلتتىق ۆاليۋتاداعى ينۆەستيتسيالارى – 67,22 پايىز, اقش دوللارىنداعى ينۆەس­تيتسيالار – 32,71 پايىز, رەسەي رۋبلىندە جانە باسقا ۆاليۋتا­داعى ينۆەستيتسيالار – 0,06 پايىز.

ۇلتتىق بانك العان, جىل باسىنان بەرى ەسەپتەلگەن ينۆەس­تيتسيالىق تابىستىڭ قۇرىلىمى كەلەسى­دەي سيپاتقا يە: باعالى قاعاز­دار بويىنشا سىياقى تۇرىندەگى كىرىستەر – 873,20 ملرد تەڭگە, باعالى قاعازداردى نارىقتىق قايتا باعالاۋدان تۇسكەن كىرىستەر – 146,57 ملرد تەڭگە, شەتەل ۆاليۋتاسىن قايتا باعالاۋدان تۇسكەن كىرىستەر – 68,32 ملرد تەڭگە, سىرتقى باسقارۋداعى اكتيۆتەر بويىنشا كىرىستەر – 140,97 ملرد تەڭگە, وزگە دە كىرىستەر – 169,79 ملرد تەڭگە.

ينۆەستيتسيالىق قىزمەت ناتي­جەسىندە, سونداي-اق شەتەل ۆاليۋتالارى باعامدارىنىڭ قۇبىل­ما­لىلىعى مەن قارجى قۇرال­دارىنىڭ نارىقتىق قۇنىنىڭ وزگەرۋى ناتيجەسىندە, ەسەپتەلگەن ينۆەستيتسيالىق كىرىس مولشەرى وتكەن جىلى 1 ترلن 398,85 ملرد تەڭگە بولدى. 2021 جىلدىڭ باسىنان باستاپ سالىمشىلاردىڭ شوتتارىنا بولىنگەن بجزق زەينەتاقى اكتيۆتەرىنىڭ كىرىستىلىگى 11,13 پا­يىزعا جەتتى. ال بۇل ارالىقتاعى ينف­ليا­تسيا 8,40 پايىز بولعان. وسى­لايشا, بجزق زەينەتاقى اكتيۆ­تەرىنىڭ ناقتى تابىستىلىعى 2,73 پايىزدىق ءوسىم كورسەتتى.

جوعارىدا اتاپ وتكەندەي, زەي­نەتاقى اكتيۆتەرىنىڭ ءبىر بولىگى ين­ۆەستيتسيالىق پورتفەلدى باس­قارۋ­شىلارعا بەرىلەدى. مۇنداي شارۋامەن ەلىمىزدە بىرنەشە كوم­پانيا اينالىسادى. ماسەلەن, Jýsan Invest كومپانياسىنىڭ سەنىم­گەرلىك باسقارۋىنداعى زەي­نەت­اقى اكتيۆتەرى 3,43 ملرد تەڭگە­نى قۇرادى. وعان ۇلتتىق بانكنوتتارى (پورتفەلدىڭ 33,42 پايىزى), Exchange Traded Funds (ETF) پايلارى (24,45 پايىز), قارجى مينيسترلىگىنىڭ مەملەكەتتىك باعالى قاعازدارى (15,07 پايىز), رەپو وپەراتسيالارى (16,64 پايىز) ساتىپ الىندى. ينۆەستيتسيالىق شوتتاردا اقشالاي قالعان اكتيۆتەر – 10,42 پايىز. پورتفەلدىڭ 65,22 پايىزى تەڭگەمەن, 34,78 پا­يىزى دوللارمەن ساقتالعان. 2022 جىلدىڭ 1 قاڭتارىنداعى جاعداي بويىنشا ەسەپتەلگەن ينۆەس­تيتسيا­لىق تابىس مولشەرى 139,29 ملن تەڭگە بولدى. زەينەتاقى اكتيۆ­تەرىنىڭ تابىستىلىعى – 8,08 پايىز.

2022 جىلدىڭ 1 قاڭتارىن­دا Halyk Global Markets كوم­پانياسىنىڭ سەنىمگەرلىك باس­قارۋىنداعى زەينەتاقى اكتيۆ­تەرى 2,06 ملرد تەڭگەنى قۇرادى. پورتفەلدىڭ قۇرىلىمىندا كەرى رەپو وپەراتسيالارى (43,33 پا­يىز), كۆازيمەملەكەتتىك ۇيىم­دارىنىڭ وبليگاتسيالارى (14,39 پايىز), ETF پايلارى (13,99 پا­يىز), شەتەلدىك ەميتەنتتەردىڭ اكتسيالارى مەن دەپوزيتارلىق قولحاتتارى (8,75 پايىز), ەكىنشى دەڭگەيلى بانك وبليگاتسيالارى (7,54 پايىز), ۇيىمداردىڭ كورپوراتيۆتىك وبليگاتسيالارى (6,10 پايىز), حالىقارالىق قارجى ۇيىمدارىنىڭ وبليگاتسيالارى (5,83 پايىز), شوتتارداعى اقشا قاراجاتى (0,05 پايىز) مەن باسقا دا اكتيۆتەر (0,02 پايىز) بار. پورتفەلدەگى ۇلتتىق ۆاليۋتاداعى ينۆەستيتسيالار 77,21 پايىزعا, اقش دوللارىنداعى ينۆەس­تي­تسيالار 22,79 پايىزعا تەڭ. 2022 جىلدىڭ 1 قاڭتارىنداعى جاع­داي بويىنشا ەسەپتەلگەن ين­ۆەس­تي­تسيا­لىق كىرىس مولشەرى 112,79 ملن تەڭگە بولدى. زەينەتاقى اك­تيۆ­­تەرىنىڭ تابىستىلىعى 8,41 پا­يىزعا جەتتى.

BCC Invest كومپانياسىنىڭ سەنىمگەرلىك باسقارۋىنداعى زەينەتاقى اكتيۆتەرى 1,22 ملرد تەڭگەگە تەڭ. اكتيۆتەر پايلار­عا (ETF يندەكستەرگە, 25,48 پا­­يىز), كەرى رەپو وپەراتسيالارى­نا (20,79 پايىز), كۆازيمەملەكەت­تىك ۇيىمداردىڭ وبليگاتسيالارىنا (17,04 پايىز), شەتەلدىك ەمي­تەنت­تەردىڭ اكتسيالارى مەن دەپو­زي­ت­ارلىق قولحاتتارىنا (9,91 پا­يىز), حالىقارالىق قارجى ۇيىم­دارىنىڭ وبليگاتسيالارىنا (8,00 پايىز), ەكىنشى دەڭگەيلى بانك­تەردىڭ وبليگاتسيالارىنا (6,94 پايىز), قازاقستاننىڭ رەزيدەنت-ەميتەنتتەرىنىڭ كورپوراتيۆتىك وبليگاتسيالارىنا (6,85 پايىز), ينۆەستيتسيالىق شوتتارداعى اقشا قاراجاتىنا (4,96 پايىز), وزگە دە اكتيۆتەرگە (0,04 پايىز) بو­لىنگەن. ۇلتتىق ۆاليۋتاداعى قۇرال­دار­عا پورت­فەلدىڭ 59,82 پايىزى, اقش دوللارىنداعى قۇرال­دار­عا پورت­فەلدىڭ 40,18 پايى­زى ين­ۆەس­تي­تسيا­لانعان. ەسەپتەلگەن ينۆەستي­تسيا­­لىق كىرىس مولشەرى 74,51 ملن تەڭ­گەنى قۇرادى. زەينەتاقى اكتيۆ­تەرى­نىڭ تابىستىلىعى – 8,37 پايىز.

2022 جىلدىڭ 1 قاڭتارىن­داعى جاعداي بويىنشا «سەنتراس سەكيۋريتيز» كومپانياسىنىڭ سەنىمگەرلىك باسقارۋىنداعى بجزق-نىڭ زەينەتاقى اكتيۆتەرى 809,46 ملن تەڭگەنى قۇرادى. ولار قارجى مينيسترلىگىنىڭ مەملەكەتتىك با­عالى قاعازدارىنا (69,29 پايىز), رەپو وپەراتسيالارىنا (15,70 پايىز), قازاقستان ەميتەنتتەرى­نىڭ اكتسيالارى مەن دەپوزيتارلىق قول­حاتتارىنا (14,73 پايىز), ين­ۆەس­تيتسيالىق شوتتارداعى اقشا قۇرالدارىنا (0,27 پايىز) ينۆەس­تيتسيالاندى. بارلىق ينۆەستيتسيا­لار ۇلتتىق ۆاليۋتادا جۇرگىزىلگەن. ەسەپتەلگەن ينۆەستيتسيالىق كىرىس مولشەرى 46,72 ملن تەڭگەگە تەڭ. ال زەينەتاقى اكتيۆتەرىنىڭ كىرىستىلىگى 9,37 پايىزدى قۇرادى.