مەملەكەت باسشىسى نۇرسۇلتان نازارباەۆتىڭ اتىنا الماتى وبلىسىنىڭ شاعىن جانە ورتا بيزنەس وكىلدەرىنەن حاتتار مەن جەدەلحاتتار كەلىپ ءتۇستى, دەپ حابارلادى پرەزيدەنتتىڭ ءباسپاسوز قىزمەتى.
اۆتورلار مەملەكەت باسشىسى قول قويعان «قازاقستان رەسپۋبليكاسىندا كاسىپكەرلىك قىزمەت ءۇشىن جاعدايدى جاقسارتۋ ءجونىندەگى تۇبەگەيلى شارالار تۋرالى» جارلىق اياسىندا قابىلدانعان شەشىم ءۇشىن ريزاشىلىقتارىن ءبىلدىردى.
اتاپ ايتقاندا, تەكەلى قالاسىنداعى «كاكتاس» جشس ديرەكتورىنىڭ ورىنباسارى ن.گونتەي شاعىن جانە ورتا بيزنەس سۋبەكتىلەرىن جوسپارلى تەكسەرۋگە موراتوريدى قاجەتتى شارا جانە بيزنەسمەندەردى ناقتى قولداۋ دەپ بىلەدى.
«مرامور-تاس» جشس اتقارۋشى ديرەكتورى م.قاپسالاەۆ تەكسەرۋگە موراتوري كاسىپكەرلەرگە شىنايى قامقورلىقتى كورسەتەتىن قادام ەكەنىن اتاپ وتكەن.
«بۇل بىزگە, ءبىرىنشى كەزەكتە, كوپ جاعدايدا ەشقانداي نەگىزسىز, كەنەتتەن بولاتىن تەكسەرۋلەردىڭ كەسىرىنەن ۋاعدالاستىق مىندەتتەمەلەرىمىز بۇزىلادى-اۋ دەپ قورىقپاي, ءوز بيزنەسىمىزدى ناقتى جوسپارلاۋعا مۇمكىندىك بەرەدى», دەلىنگەن حاتتا.
شونجى اۋىلىنىڭ كاسىپكەرى ر.باراتوۆا قازاقستان پرەزيدەنتىنىڭ شەشىمى كاسىپكەرلىكتى قولداۋداعى جاڭا تۇبەگەيلى وزگەرىستەردىڭ باستاۋى بولاتىنىنا سەنىم بىلدىرگەن.
وتەگەن باتىر كەنتىندەگى «جولبارىستى» جشس ديرەكتورى گ.سەيتاسانوۆا مەملەكەت باسشىسىنا ەلىمىزدە بيزنەستىڭ دامۋ ماسەلەلەرىنە تۇراقتى كوڭىل ءبولىپ وتىرعانى ءۇشىن راحمەتىن ايتادى.
«تەكسەرۋلەرگە موراتوري بىزگە قىزمەتكەرلەرىمىزدىڭ وتباسىلارىنىڭ ءال-اۋقاتىن ارتتىرۋعا, ورتاق ءۇيىمىز – قازاقستان رەسپۋبليكاسىنىڭ ەكونوميكاسىن كوتەرۋگە سەپتىگىن تيگىزەتىن قازىرگى جوبالارىمىزدى جۇزەگە اسىرۋعا جانە جاڭالارىن ازىرلەۋگە دەن قويۋعا مۇمكىندىك بەرەدى», دەپ جازادى اۆتور.