شىمكەنت قالاسىنىڭ اكىمى مۇرات ايتەنوۆ سامال-3 شاعىن اۋدانىنا بارىپ, جەرگىلىكتى تۇرعىندارمەن كەزدەستى, دەپ حابارلايدى Egemen.kz.
اۋدان تۇرعىندارىمەن كەزدەسۋ بارىسىندا قالا اكىمى اباي اۋدانىنا قاراستى سامال-3 شاعىن اۋدانىنىڭ 27 مىڭنان استام تۇرعىنى بيىل ورتالىقتاندىرىلعان كارىز جۇيەسىنە قوسىلاتىنىن حابارلادى.
شاعىن اۋدان تۇرعىندارى اكىممەن بولعان اشىق سۇحباتتا ينتەرنەت, جول ماسەلەسى مەن ايالداما ورناتۋ بويىنشا وتىنىشتەرىن جەتكىزدى.
حالىقتىڭ سۇراقتارىنا جاۋاپ بەرە وتىرىپ, قالا باسشىسى وتكەن جىلى ءۇش كوشە جوندەلسە, وسى جىلى 7 كوشەگە اسفالت توسەلەتىنىن ال, كارىز جۇيەلەرى جۇرگىزىلىپ جاتقان كوشەلەردە قۇرىلىس جۇمىستارى اياقتالعان سوڭ, الداعى جىلدارى اسفالتتاۋ جۇمىستارى اتقارىلاتىنىن ايتتى. سونىمەن بىرگە شاعىن اۋداندى ساپالى ينتەرنەتپەن قامتۋ ءۇشىن جىل سوڭىنا دەيىن تالشىقتى وپتيكا جەلىسىمەن قامتۋ جۇمىستارى جۇرگىزىلەتىنىن ءحابارلادىى. ال ايالداما ورناتۋ ماسەلەسى بويىنشا سالالىق باسقارماعا زەردەلەۋ جۇمىستارىن جۇرگىزۋدى تاپسىردى.
سونداي-اق مۇرات ايتەنوۆ وسى جىلى بيۋدجەت ەسەبىنەن 3 سپورت الاڭشا مەن 1 بالالار الاڭشاسى سالىناتىن ايتىپ, بۇل جۇمىستاردىڭ بارلىعى تۇرعىنداردىڭ جايلى ءومىر سۇرۋىنە جاعداي جاساۋ ءۇشىن جاسالىپ جاتقانىن اتاپ ءوتتى.
جالپى, سامال-3 شاعىن اۋدانىندا 6800 وتباسى تۇرادى. ەلدى مەكەن تۇرعىندارى اۋىز سۋمەن, تابيعي گازبەن جانە ساپالى ەلەكتر جارىعىمەن تولىقتاي قامتىلعان. مۇنداعى كوممۋنالدىق ماسەلە - كارىز جۇيەسىن رەتكە كەلتىرۋ. اكىم بۇل ماسەلە دە بيىل شەشىمىن تاباتىنىنا سەندىردى.
وتكەن جىلى 6 كوشە جارىقتاندىرىلسا, بيىل تاعى 1 كوشەدە جارىقتاندىرۋ جۇمىستارى جۇرگىزىلەدى.