قر ءىىم-ءنىڭ 2022 جىلعى 26 قاڭتارداعى بۇيرىعىمەن «قازاقستان رەسپۋبليكاسىندا ۋاقىتشا بولاتىن شەتەلدىكتەر مەن ازاماتتىعى جوق ادامدارعا جەكە سايكەستەندىرۋ ءنومىرىن راسىمدەۋ» مەملەكەتتىك قىزمەت كورسەتۋ ەرەجەسىنە وزگەرىستەر ەنگىزىلدى, دەپ حابارلايدى Egemen.kz.
اتاپ ايتقاندا, جسن راسىمدەۋ ءۇشىن قاجەتتى قۇجاتتار ءتىزىمى وزگەردى:
مەملەكەتتىك كورپوراتسيا ارقىلى جۇگىنگەن كەزدە:
بەلگىلەنگەن نىسانداعى ءوتىنىش; جەكە باستى كۋالاندىراتىن قۇجات. ەگەر وندا كيريلليتسادا نەمەسە لاتينيتسادا انىقتامالىق دەرەكتەردىڭ ء(تاا, تۋعان جەرى) جازىلۋى بولماسا, قۇجات اۋدارماسىنىڭ ءتيىستى كوشىرمەسىن قوسا بەرۋ قاجەت; شەتەلدىكتىڭ وكىلى جۇگىنگەن جاعدايدا نوتاريالدى كۋالاندىرىلعان سەنىمحات.پورتال ارقىلى جۇگىنگەن كەزدە:
ءوتىنىش بەرۋشى وكىلىنىڭ ەتسق-مەن كۋالاندىرىلعان ەلەكتروندىق سۇراۋ سالۋ; شەتەلدىكتىڭ جەكە باسىن كۋالاندىراتىن قۇجاتتىڭ ەلەكتروندىق كوشىرمەسى. ەگەر وندا كيريلليتسادا نەمەسە لاتينيتسادا انىقتامالىق دەرەكتەردىڭ ء(تاا, تۋعان جەرى) جازىلۋى بولماسا, قۇجات اۋدارماسىنىڭ ءتيىستى كوشىرمەسىن قوسا بەرۋ قاجەت; شەتەلدىكتىڭ وكىلى جۇگىنگەن جاعدايدا نوتاريالدى كۋالاندىرىلعان سەنىمحات.بۇدان باسقا, مەملەكەتتىك كورپوراتسيا ارقىلى جۇگىنگەن كەزدە دايىن قۇجاتتاردى بەرۋ جەكە باستى كۋالاندىراتىن قۇجاتتاردى نە تسيفرلىق قۇجاتتار سەرۆيسىنەن الىنعان ەلەكتروندىق قۇجاتتى نە وكىلدىڭ ءتيىستى وكىلەتتىكتەرى كورسەتىلەتىن قۇجات نەگىزىندە ارەكەت ەتەتىن ونىڭ وكىلىن كورسەتكەن كەزدە جۇزەگە اسىرىلاتىنى تۋرالى تولىقتىرۋ ەنگىزىلدى.
بۇيرىق 2022 جىلعى 11 اقپاننان باستاپ قولدانىسقا ەنگىزىلەدى.