ءبىلىم جانە عىلىم مينيسترلىگىنىڭ كەڭەيتىلگەن القا وتىرىسىندا ءبىلىم مەن عىلىمنىڭ وزەكتى ماسەلەلەرى تالقىلانىپ, وتكەن جىلدىڭ بارىسى ساراپتالعان بولاتىن. بۇل جيىندا وسى جىلعى كەلەلى مىندەتتەر ايقىندالعان-دى.
جيىن بارىسىندا مەكتەپتەر, كوللەدجدەر مەن جوعارى وقۋ ورىندارىنىڭ جۇمىسىنداعى وزگەرىستەر, ءبىلىم بەرۋدى دامىتۋ جانە دارىندى بالالاردى قولداۋ شارالارى تۋرالى ايتىلدى. تالقىلانعان ماسەلەلەردىڭ ىشىندە - ينكليۋزيۆتى ءبىلىم بەرۋدى قامتاماسىز ەتۋ, قۇندىلىقتار جۇيەسىن قالىپتاستىرۋ, سالالىق مەنەدجمەنتتى ترانسفورماتسيالاۋ, كادرلار دايارلاۋعا جۇمىس بەرۋشىلەردى تارتۋ, جوعارى بىلىمگە قولجەتىمدىلىكتى كەڭەيتۋ جانە ونى ينتەرناتسيونالداندىرۋ, جوعارى وقۋ ورىندارىنىڭ باسەكەگە قابىلەتتىلىگىن ارتتىرۋ جانە عىلىمي جوبالاردى قارجىلاندىرۋ بولدى. وزگەرىستەر پەداگوگيكا سالاسىنداعى ءبىلىم ساپاسىن جاقسارتۋعا باعىتتالعان.
وتكەن جىلدان باستاپ مۇعالىمدەردىڭ جالاقىسى ءوستى, بۇل جاستاردىڭ مۇعالىمدىك كاسىپكە دەگەن قىزىعۋشىلىعىن ارتتىرادى. اباي ۋنيۆەرسيتەتى ەڭ دارىندىلاردى تاڭداپ, ولارعا جوعارى ساپالى ءبىلىم بەرۋدە. وقىتۋشىلارىمىز ءوز بىلىكتىلىكتەرىن ۇنەمى ارتتىرىپ وتىرادى, قىسقى جانە جازعى مەكتەپتەرگە, تسيفرلىق ساۋاتتىلىقتى ارتتىرۋ كۋرستارىنا قاتىسادى. عالىمدار وزدەرىنىڭ عىلىمي جوبالارىن جۇزەگە اسىرۋعا بارلىق جاعدايدى جاساعان. ءبىز پەداگوگيكالىق زەرتتەۋ ۋنيۆەرسيتەتى بولۋعا ۇمتىلامىز. عىلىم سالاسىن دامىتۋدا گرانتتار باعدارلاماسى ەنگىزىلىپ, عىلىمي-كونسۋلتاتيۆتىك كەڭەس قۇرىلدى. مۇنىڭ بارلىعى وتاندىق عىلىم مەن ءبىلىمدى دامىتۋعا باعىتتالعان. ال شاكىرتاقىنىڭ ءوسۋى ستۋدەنتتەردىڭ, اسىرەسە, پەداگوگيكالىق ماماندىقتاردا وقيتىنداردىڭ ىنتاسى مەن جاۋاپكەرشىلىگىن ارتتىرارى ءسوزسىز.
كەز كەلگەن ۋنيۆەرسيتەت تۇلەگىندە كەزدەسەتىن باستى ماسەلە – جۇمىسقا ورنالاسۋ. اباي ۋنيۆەرسيتەتى جۇمىس بەرۋشىلەرمەن ءتيىمدى قارىم-قاتىناس جاساۋ ارقىلى تۇلەكتەردىڭ 96%-ىنا ماماندىعى بويىنشا جۇمىس تابۋعا كومەكتەستى. سونىمەن قاتار, اباي ۋنيۆەرسيتەتى QS حالىقارالىق تالداۋ اگەنتتىگىنىڭ (Quacquarelli Symons) رەيتينگىنە العاش رەت قاتىسىپ, «جۇمىسقا ورنالاسقان تۇلەكتەردىڭ ۇلەسى» كورسەتكىشى بويىنشا 38-ءشى ورىن الدى.
مينيسترلىك ءبىلىم مەن عىلىمدى دامىتۋ بويىنشا بەلسەندى جۇمىس جۇرگىزىپ جاتقانى قۋانتادى. جوعارى وقۋ ورىندارى مەملەكەت باسشىسىنىڭ ءبىلىم سالاسىنا قاتىستى تاپسىرماسىن جۇيەلى تۇردە ورىندايتىنىنا سەنىمدىمىن.
دارحان ءبىلالوۆ,
اباي اتىنداعى قازۇپۋ رەكتورى