بۇل تۋرالى «قازمۇنايگاز» ۇلتتىق كومپانياسىنىڭ رەسمي سايتى حابارلادى, دەپ جازادى Egemen.kz.
كومپانيا مالىمەتىنشە, ماڭعىستاۋ وبلىسىنداعى وزەن كەن ورنىندا قوسىمشا بارلاۋ جۇمىستارى ارقىلى جاڭا مۇناي شوعىرلارى اشىلدى. ناتيجەسىندە الىناتىن مۇناي قورى 39,9 ميلليون تونناعا ارتقان.
كومىرسۋتەگى قورلارىنىڭ ارتۋى كومپانيانىڭ ەكونوميكالىق كورسەتكىشتەرىنە ايتارلىقتاي اسەر ەتەتىنى حابارلاندى.
«2017 جىلى «قازمۇنايگاز» ۇك اق, «وزەنمۇنايگاز» اق, «قمگ ينجينيرينگ» جشس جانە «قمگ ينجينيرينگ» فيليالىنىڭ گەولوگتار توبى وزەن كەن ورنىن جەتە بارلاۋدىڭ ەگجەي-تەگجەيلى باعدارلاماسىنا باستاماشىلىق ەتتى. وسى باعدارلاما شەڭبەرىندە 2017-2021 جىلدار ىشىندە 3D (368 شارشى كيلومەتر) جوعارى شەشىمدى سەيسميكالىق بارلاۋ ءتۇسىرىلىمى جۇرگىزىلدى, ۇڭعىمالاردىڭ بۇكىل قورى (7500-دەن استام) قايتا پىسىقتالدى, گەولوگيالىق تۇجىرىمداما قايتا قارالدى جانە 3D-گەولوگيالىق مودەل قايتا جاسالدى. جۇرگىزىلگەن جۇمىستاردىڭ ناتيجەلەرى بويىنشا كەن ورنىنىڭ قۇرىلىمى ناقتىلاندى جانە مۇنايدىڭ جاڭا شوعىرلارى تابىلدى. جۇرگىزىلگەن جۇمىستاردىڭ ناتيجەسىندە وزەن كەن ورنىنىڭ مۇناي قورى 8 پايىزعا كوبەيدى, بۇل ساندىق ماندە الىناتىن قورلاردىڭ 39,9 ميلليون تونناسىن قۇرايدى», دەلىنگەن حابارلامادا.