5 اقپان كۇنى قازاقستاندىق شاۆكات راحمونوۆ (14-0) UFC-دە ءۇشىنشى جەكپە-جەگىن وتكىزەدى, دەپ حابارلايدى Egemen.kz Sports.kz سايتىنا سىلتەمە جاساپ.
ش.راحمونوۆ لاس-ۆەگاس قالاسىندا وتەتىن UFC Fight Night 200 تۋرنيردە گاياندىق كارلستون حارريسپەن (17-4) كەزدەسەدى. بۇل شاۆكات راحمونوۆتىڭ UFC-دەگى ءۇشىنشى جەكپە-جەگى.
قازاقستاندىق سپورتشى ەڭ ءىرى مما-پروموۋشنعا العاش رەت 2020 جىلدىڭ قازانىندا قادام باستى. ول كەزدە ءبىرىنشى راۋندتا-اق برازيليالىق الەكس وليۆەيرانى (22-11-1) جەڭدى. ودان كەيىن 2021 جىلعى ماۋسىمدا راحمونوۆ برازيليانىڭ تاعى ءبىر سپورتشىسى – ميشەل پرازەريستى (26-4) ەكىنشى راۋندتا جىقتى.