مەملەكەت باسشىسىنىڭ «حابار 24» تەلەارناسىنا بەرگەن سۇحباتىندا جۋرناليست ەلدە ورىن العان مەملەكەتتىك توڭكەرىس ارەكەتىنىڭ ارتىندا كىم تۇرعانىن سۇرادى, دەپ حابارلايدى Egemen.kz.
«ەلدەگى قاڭتار قاسىرەتى بويىنشا تەرگەۋ شارالارى ءجۇرىپ جاتىر. ولاردىڭ ناتيجەلەرى تولىقتاي انىقتالماعان كەزدە بولجام جاساۋ ورىنسىز. جۇمىس وتە كوپ. سەبەبى, كوپتەگەن سودىرلار, ونىڭ ىشىندە ولاردىڭ كومانديرلەرى الماتىدان قاشىپ كەتكەن. بىرەۋلەر اۋىلدىق جەرلەردە جاسىرىنسا, ەكىنشىلەرى شەكارادان ءوتىپ, كورشى رەسپۋبليكالارعا قاشتى. ولار ساقالدارىن قىرىپ, سىرت كەلبەتتەرىن وزگەرتكەندەرى دە بارشامىزعا انىق. ەگەر ولار تۇتقىندالسا,ء «بىز كەزدەيسوق ءوتىپ بارا جاتقان ادامدارمىز» دەپ ايقايلايتىن فاكتىلەر دە بار. بىراق شىندىق مىندەتتى تۇردە انىقتالادى», دەدى مەملەكەت باسشىسى.